Buǵan qosa óńirdegi bas memlekettik sanıtar dárigeriniń qaýlysymen «Qarashyǵanaq Petrolıým Opereıtıng b.v.» kompanııasy aýmaǵynda 5 maýsymǵa deıin karantın rejımi engizildi. Kenish aýmaǵyna kólik quraldarynyń kirip-shyǵýy shekteledi, kompanııa jumysshylaryna vahtalyq qalashyqta keshki saǵat 19.00. ben tańǵy 07.00. arasynda júrip-turýyna tyıym salyndy. Munda sanıtarlyq-dezınfeksııalyq jumys júrgizilip, barlyq tazalyq jáne saqtyq sharalary qolǵa alyndy.
О́ńirde koronavırýs dertiniń órship turǵanyn aıtyp, halyqty saqtandyrǵan oraldyq ınfeksıonıst-dáriger Ádilbek Nurymbet áleýmettik jelide jazba jarııalady. Ol sáýir aıynyń sońynda Batys Qazaqstan oblysynda COVID-19 indetin juqtyrǵan naýqastardy emdeýge shaqyrylǵan eken. Aýrýhanada barlyq saqtyq sharalaryn jasaǵanyna qaramastan birneshe medısınalyq qyzmetker koronavırýs juqtyrǵan.
«...Sodan úsh kún ótkende dene qyzýym 37.3°S qa joǵarylap, basym, belim, býyndarym qatty aýyrǵany sonshalyq, janym kózime kórindi. Túnimen qusyp shyqtym. Erteńine menen taǵy koronavırýsqa analız aldy. Analız qorytyndysynda mende koronavırýs bary anyqtalyp, juqpaly aýrýhanaǵa ákep jatqyzdy. Qyzýym 37,2-37,3 gradýs aınalasynda boldy. Basym, býyndarym, belim aýyrǵany kúsheımese basylmady. Basymdy kótere almadym. Shynymdy aıtsam 5 kún nár tatpadym. Tamaqqa tábetim múldem bolmady. О́zim ınfeksıonıst bolyp jumys jasaǵanda qansha vırýsty aýrýlardy emdeı júrip, arasynda tumaýmen ózim de aýyrdym. Biraq dál osyndaı aýrýdy kórgen emespin. Temperatýra 38,0-38,5 gradýs bolǵanda da parasetamol iship, jumysymyzdy jalǵastyryp júre berýshi edik. Al myna aýrýda 5 kún basymdy kótere almadym. Oǵan jótel men keýdedegi qatty aýyrsyný qosyldy. О́kpeni KT túsirgende eki jaqty pnevmonııa anyqtaldy. Qosymsha taǵy em qosyldy. 15 kún degende tolyq ózime keldim. 24 kún jatyp, eki ret analız tapsyryp, analızim taza bolǵan soń búgin aýrýhanadan shyǵyp otyrmyn. Karantın bastalǵanda kelinshegimdi balalarmen aýylǵa jibergen bolatynmyn. Kelinshegimniń aıaǵy aýyr. Koronavırýs juqtyryp alǵanymdy áke shesheme de, kelinshegime de aıtpadym. Tek kontaktyda bolǵanym úshin karantınde jatyrmyn dep aıtyp keldim. Sebebi olar ne isteı alady. Qur bosqa ýaıymdaǵannan basqa. Tek búgin shyqqan soń ǵana aýyryp emdelgenimdi, ýaıymdaýdyń qajeti joq ekenin aıttym. Sonyń ózinde ýaıymdap jatyr.
...Aıtaıyn degenim, koronavırýs basqa juqpaly aýrýlarǵa uqsamaıdy. О́te aýyr ótedi, jáne uzaq emdelýdi qajet etedi. ...Sondyqtan bul aýrýǵa nemquraıdy qaraýǵa bolmaıdy» dep eskertedi dáriger.
Sońǵy málimet boıynsha Batys Qazaqstan oblysynda COVID-19 indetine shaldyqqandar sany – 386 adamǵa jetken. Qazir olardyń 242-si jazylyp shyǵyp, óz úıine jiberilgen. Biraq olar odan ári úı jaǵdaıynda 14 kúndik oqshaýlaný tártibin saqtaýy tıis.
Batys Qazaqstan
