Soǵan sáıkes senatorlar aldaǵy otyrys barysynda «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasynyń Konstıtýsııalyq zańyna tolyqtyrýlar engizý týraly» Qazaqstan Respýblıkasy Konstıtýsııalyq zańynyń jobasyn, «Qazaqstan Respýblıkasy Parlamentiniń komıtetteri men komıssııalary týraly» Qazaqstan Respýblıkasynyń Zańyna parlamenttik oppozısııa máseleleri boıynsha ózgeris pen tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine turǵyn úı baǵdarlamalary operatorlarynyń sanyn qysqartý máseleleri boıynsha ózgerister men tolyqtyrýlar engizý týraly» zań jobalaryn qaraýdy josparlap otyr.
Sonymen qatar Bıýro otyrysynda Májilis maquldaǵan zań jobalary komıtetter arasynda bólinip berildi.
Konstıtýsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasy men Iran Islam Respýblıkasy arasyndaǵy azamattyq ister boıynsha ózara quqyqtyq kómek týraly kelisimdi ratıfıkasııalaý týraly» jáne «2005 jylǵy 25 qarashadaǵy Táýelsiz Memleketter Dostastyǵyna qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratıfıkasııalaý týraly» zań jobalary boıynsha bas komıtet bolyp belgilendi.
Bas komıtetke Qazaqstan Respýblıkasy Parlamenti Senatynyń ózge komıtetteriniń usynystaryn pysyqtaý jáne osy qujattar boıynsha qorytyndylar daıyndaý tapsyryldy.
