Bas bapker Vıktor Fahrýtdınovtyń aıtýynsha, Reseı quramasynyń birinshi jáne ekinshi nómirli bylǵary qolǵap sheberleri 17 maýsymda Máskeýde bas qosady. Birer kún medısınalyq tekseristen ótkennen keıin Qazaqstanǵa sapar shegedi.
«Sol jaqta bizder Ýkraına, О́zbekstan jáne Qazaqstannyń boksshylarymen birge birlesken oqý-jattyǵý jıynyn ótkizemiz. Bul olar úshin de, bizder úshin de úlken tájirıbe mektebi bolmaq. Sebebi, joǵaryda atalǵan memleketterdiń barlyǵynyń da boks ónerinde jeńispen órilgen baı dástúri bar», – deıdi Fahrýtdınov.
Rasynda da, osyndaı jıyndardyń bereri kóp. Máselen, byltyr Ekaterınbýrgte ótken álem chempıonatynda 3 altyn jáne 1 qola medaldi oljalaǵan reseılikter jalpy komandalyq esepte ekinshi oryndy ıelendi. Olar О́zbekstannan qalyp qoıdy. Aıtýly jarysty ózbekter 3 altyn, 1 kúmis jáne 1 qolamen qorytyndylady. Qazaqstan úshinshi satyǵa jaıǵasty. Jerlesterimiz 1 altyn, 1 kúmis jáne 4 qolany qorjynǵa saldy. Al Ýkraınanyń boksshylary Reseıdegi dodaǵa qatysýdan bas tartqan edi.
