Aýrýhanaǵa túskende sol jaq jambas býyny aýyratynyn aıtqan aqsaqal, nátıjesinde tósekte jatýǵa májbúr, óıtkeni erkin turyp júrýi qıyndaı túskenin alǵa tartty. Bul týraly Mańǵystaý oblystyq aýrýhanasynyń travmatologııa bólimshesiniń meńgerýshisi Eset Shahatbaev aıtyp berdi. Onyń aıtýynsha, naýqasty hırýrgııaǵa qabyldaý týraly sheshim uzaq oılanbastan qabyldandy.
Ota sátti ótti. Naýqastyń qazirgi jaǵdaıy jaman emes, ózin jaqsy sezinedi jáne qaıtadan burynǵy qalpyna kelý boıynsha emdelý prosedýrasyn jalǵastyryp jatyr. Jaqyn arada naýqas úıine jiberiledi. Jaǵdaıy salystyrmaly túrde qanaǵattanarlyq.
-Naýqas úıde júrip jaraqat alǵan, ıaǵnı qulaǵan. Aldymen emshige baryp qaralǵan, biraq bul jerde medısına aralaspasa bolmaıtyn boldy. Aldymen Shetpe aýylyndaǵy ortalyq aýdandyq aýrýhanasyna barǵan, sondan soń oblystyq aýrýhanaǵa jiberilgen. Eń bastysy bizdiń dárigerler baryn saldy, tıisti em-dom sharalaryn qolǵa alǵan bolatyn, nátıjesi kóz qýantarlyq. Naýqastyń jasy júzge taıap qaldy, soǵan qaramastan ol ózin jaqsy sezinedi. Mundaı otany keıde jastardyń ózi aýyrsynyp jatady, deıdi ol.
Buǵan deıin hırýrgter osyndaı otanyń júzge jýyǵyn jasaǵan. Al hırýrgııalyq otanyń bul túri kepildendirilgen tegin medısınalyq kómektiń kólemi aıasynda jasalady.
Mańǵystaý oblysy
