О́tken aptada japondyq Nissan Motor óndirýshisi negizinen Eýropa aımaǵynda jáne damýshy elderde 20000 qyzmetkerin jumystan shyǵarý oılastyryp otyrǵany belgili bolǵan bolatyn. Al búgin Fransııanyń ekonomıka mınıstri Brýno Le Mer buqaralyq aqparat quraldaryna Renault avtokóligin shyǵarý ýaqytsha toqtatylǵanyn aıtty. Fransııanyń ekonomıka jáne qarjy mınıstri Brýno Le Me búgin jýrnalıstermen kezdesken kezde shynaıy bolýymyz kerek ekenin, tek shyndyqty aıtýǵa májbúr bolyp otyrǵanyn aıtypty. «Daǵdarystyń qanshalyqty aýyr ekenin jasyrǵan emespin jáne Renault-pen bolǵan jaǵdaıdy jasyrmaımyn. Alaıda men Renault-tyń artynda óte bilimdi mamandar turǵanyn bilemin. Sol sebebi óndiristi toqtatýǵa sheshim qabyldadyq. Bul ýaqytsha tynys alýǵa múmkindik beredi» dep aǵynan jaryldy.
Mınıstrdiń bul málimdemesi fransýzdyq BAQ-tyń Renault basshylyǵy eldegi birneshe óndiris oryndaryn, sonyń ishinde Parıj mańyndaǵy Flen qalasyndaǵy zaýytty jabý týraly nıet bildirgen joramaldarynan keıin paıda boldy. Kompanııa pandemııadan buryn qıyn qarjylyq jaǵdaıǵa tap boldy, biraq onyń bastalýymen barlyq zaýyttaryn jabýǵa májbúr boldy. Eýropada sáýir aıynda korporasııanyń jańa avtomobılderiniń satylymy 76% -dan astam tómendedi. Avtoóndirýshi bılikten 5 mıllıard eýro nesıe berýdi surady.
Kelesi aptada Fransııa prezıdenti Emmanýel Makron fransýz óndirýshilerine qoldaý kórsetý josparyn usynady. Bılik Renault usynǵan talaptardyń biri - onyń Eýropadaǵy elektromobılderge arnalǵan akkýmýlıator óndirisi baǵdarlamasyna aksıoner retinde qatysýy.
Peugeot jáne Total Energy Corporation da jobaǵa qatysady. «2019 jyldyń birinshi jartysynda, ótken jyldyń osyndaı kezeńimen salystyrǵanda, Qazaqstanda Renault kóliginiń satylýy eki esege artyp, onyń sany tórt myń avtomobılge jetti» dep habarlady «Vedomostı» aqparat quraly.
Belorýsııada Renault avtokóliginiń satylýy 29 paıyzǵa artyp, 2100 avtomobılge jetse, Reseıde segiz paıyzǵa tómendep, 96 421 avtomobıldi quraǵan. Basylymnyń málimetine qaraǵanda, Kedendik elder aýmaǵynda Reseıde jasap shyǵarylǵan Renault avtokóliginiń satylymy joǵary. Sarapshylardyń paıymdaýynsha, bul kedendik baj salyǵynyń bolmaýymen baılanysty.
Renault avtokonserni 2018 jyly EAEO elderine odaq elderi aýmaǵyna eksportty eki esege arttyrýdy josparlaǵanyn, basty ımporter Qazaqstan bolady dep dep úmittenip otyrǵanyn aıtqan. «ASM-holdınginiń» málimetine qaraǵanda, Qazaqstanda 2018 jyly jeńil kólik saýdasy eki esege artyp, 153 665 avtomobıldi qurasa, al Renault kóliginiń satylýy tórt eseden artyq ósip, 4920 avtomobılge jetken. Bul kólik markalary ishinde segizinshi oryn bolyp tabylady.
2018 jyly Belarýs eliniń jeńil kólik naryǵynda ósim 1/3 bolyp, 23 991 avtomobıldi quraǵan.
Al Renault kóliginiń satylymy 1,8 esege artyp, 3305 avtomobıldi qurap, jetekshi oryndy ıelengen.
