Eseptelgen ústemeaqylardyń somasy da 56%-ǵa kóbeıdi. Medısınalyq qyzmetkerlerge sáýir aıynda 7,6 mlrd teńge (naýryz aıyna – 3,3 mlrd teńgeden astam) tólendi.
«Nur-Sultan qalasy boıynsha sáýirde epıdemııaǵa qarsy is-sharalarǵa tartylǵan medısına qyzmetkerlerine 1,1 mlrd teńge ústemeaqy tólendi.
Ústemeaqy mólsheriniń aıtarlyqtaı ósýi sáýir aıynda KVI boıynsha epıdemııalyq jaǵdaıdyń nasharlaýyna baılanysty boldy. Sáıkesinshe, naýryz aıymen salystyrǵanda sáýirde medısına qyzmetkerleri epıdemııaǵa qarsy is-sharalarǵa kóp tartyldy», - deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Aıdar Seıitqazınov.
Esterińizge sala keteıik, Densaýlyq saqtaý mınıstrliginiń buıryǵy boıynsha epıdemııaǵa qarsy is-sharalarǵa qatysatyn medısına qyzmetkerleri 3 táýekel topqa bólingen. Olarǵa jumys kestesine sáıkes 212,5 myń teńgeden (5 ETJ) 850 myń teńgege deıin (20 ETJ) ústemeaqy tólenedi. Jalpy, bul maqsatqa respýblıkalyq bıýdjetten 35,7 mlrd. teńgeden astam qarajat bólingen.
Epıdemııalyq jaǵdaıdy eskere kele, boljam boıynsha mamyr aıynda ústemeaqy tóleýge 8,6 mlrd teńge jumsalýy múmkin.
