Konferensııaǵa Qazaqstan Respýblıkasynyń Qyrǵyz Respýblıkasyndaǵy Tótenshe jáne О́kiletti Elshisi Q.Nurpeıisov, abaıtanýshy, Qazaqstan Respýblıkasynyń UǴA Akademıgi, fılosofııa ǵylymdarynyń doktory, professor G.Esim, aqyn, Qyrǵyz Respýblıkasynyń Qazaqstan Respýblıkasyndaǵy burynǵy elshisi A.Ryskýlov, aqyn, Eýrazııa halyqtary Assambleıasynyń ádebı keńesiniń tóraıymy M. Al, Qyrǵyzstannyń A. Osmonov atyndaǵy Ulttyq kitaphanasynyń dırektory J. Bakasheva, professor, QR SIM Dıplomatııalyq akademııasynyń kafedra meńgerýshisi A. Djorobekova, «K.Tashbaev atyndaǵy qalalar men óńirler jazýshylary» qoǵamdyq birlestiginiń tóraıymy, jazýshy S.Sharıpova, saıasattanýshy M.Kabylbekov, Qyrǵyz Respýblıkasynyń Jogorký Kenesh depýtattary, qoǵam qaıratkerleri, zııaly qaýym jáne BAQ ókilderi qatysty.
Elshi Q.Nurpeıisov mereıtoı Qazaqstan Prezıdenti Q.Toqaevtyń «Abaı jáne HHI ǵasyrdaǵy Qazaqstan» atty maqalasynan bastaý alǵanyn basa aıta otyryp, onda qazaq fılosofy murasynyń ózektiligi aıryqsha kórsetilgenin, óıtkeni Abaıdyń ıdeıalary Qazaqstan úshin ǵana emes jalpy adamzat úshin rýhanı azyq ekenin jetkizdi.
Elshi Abaı murasyn nasıhattaýǵa qatysty da oıymen bólisti: «onyń jalpyadamzattyq qundylyqtarǵa toly shyǵarmalary búkil álemdik qoǵamdastyqqa tıesili, dúnıejúzilik mádenıettiń bir bóligi bolyp tabylady. Uly Abaıdyń 175 jyldyǵyn merekeleý onyń shyǵarmalary men búkil Qazaqstannyń álemge tanylýyna jańa serpin beretinine senimdimin» - dedi ol.
Halyqaralyq konferensııada negizgi baıandamashylar retinde: akademık Ǵ. Esim (Qazaqstan), aqyn A. Rysqulov (Qyrǵyzstan), Eýrazııa halyqtary Assambleıasynyń Bas keńesiniń múshesi M. Al (Reseı) sóz sóıledi.
Atap ótý kerek, A.Osmonov atyndaǵy Qyrǵyz Respýblıkasynyń ulttyq kitaphanasy Abaıdyń mereıtoıyna oraı kórme uıymdastyryp, ol onlaın formatta kórsetildi.
Oǵan qosa, Abaı Qunanbaevtyń qyrǵyz tilindegi «Qara sózderi men poemalary» kitabynyń onlaın-tusaýkeseri ótti.
Konferensııaǵa Qyrǵyzstannyń K.Dıkambaev atyndaǵy SIM Dıplomatııalyq akademııasynyń tyńdaýshylary qatysty. Al áleýmettik jelilerdi paıdalanýshylar ony tikeleı efırde kórýge múmkindik aldy.
