– Balǵyndar qaı tisiniń aýyryp turǵanyn aıta almaıdy. Olar jylaıdy, al, kóp rette ata-anasy onyń sebebin túsinbeı álek bolady. Ata-analardyń kópshiligi sondyqtan, elordalyq stomatologtardyń kómegine júginip jatady. Biz osy máseleni sheshýdi qolǵa aldyq. Deni saý urpaq – eldiń bolashaǵy,–deıdi balalardyń tis dárigeri Ǵalııa Eskendirova.
Balalar emhanasynda 5 kabınet qazirgi zamanǵy tehnıkamen jaraqtandyryldǵan. Balǵyndar úshin tóbege teledıdar ornatylǵan. Taǵy bir jańashyldyq – tisti «Sevoran» gazymen emdeý.
Jobanyń bir bóligi «Damý qory» men qalalyq bıýdjetten qarjylandyryldy. Jeńildetilgen nesıelendirýdiń tıimdi baǵdarlamasy osyndaı nysandarǵa baǵyttalǵan.
– Balalardyń tis emhanasyn ashý týraly joba bıznesti damytý qoldaýǵa qatysty birneshe memlekettik baǵdarlamanyń, sonymen qatar «Kókshetaý bıznes» aımaqtyq baǵdarlamasy boıynsha qarjylandyryldy. Bul mekemeni ashý úshin 50 mıllıon teńge kóleminde nesıelik qarjy qajet boldy. Onyń bir bóligi, atap aıtsaq, 35 mıllıon teńgesi «Kókshetaý-bıznes» baǵdarlamasy arqyly»Halyq bankinen» alyndy. Bul qalalyq ákimshilikpen birlesken «Damý» qorynyń baǵdarlamasy,–deıdi, «Damý» kásipkerlikti damytý qory oblystyq fılıalynyń jetekshisi Rýslan Ahmetov.
Balalardyń tis emhanasy balǵyn klıentterin qabyldaýdy bastap ketti.
