Jańa júıe boıynsha qoǵamdyq kólikterdiń jumysy jaqsaryp, tıimdiligi artady. Atap aıtqanda, avtobýstardy mobıldi qosymsha arqyly baqylaýǵa bolady, jol aqysyn elektrondy tóleýge múmkindik týady, jańa baǵyttar ashylady, sıfrlyq jáne ıntellektýaldyq júıe engiziledi.
Qala ákimi atalǵan tujyrymdamany maquldap, jańa júıege kezeń kezeńimen kóshýdi jáne belgilengen merzimde aıaqtaýdy tapsyrdy.
- Bul júıe qala ishindegi keptelistiń azaıýyna, turǵyndardyń dittegen jerine tez jetýine, jemqorlyqtyń aldyn alýǵa, «Smart city» júıesine tezirek kóshýge múmkindik beredi, - dedi M.Áıtenov.
Atalǵan konsepsııa turǵyndardyń qaýipsizdigin qamtamasyz etýge de úlken septigin tıgizedi. Endi júrgizýshiler arnaıy kýrstardan ótip, kondýktorlardyń qyzmeti qatań tekseriletin bolady.
Sondaı-aq dıspetcherleý arqyly avtobýs arasyndaǵy jıilik saqtalyp, aıaldamaǵa toqtamaıtyn júrgizýshiler qadaǵalanady.
Budan bólek, saýda ortalyqtary men mektep jáne basqa da adam kóp shoǵyrlanatyn aıaldamalar rettelip, shaǵynaýdandarǵa qatynaý jeńildeıdi.
