Bilim jáne ǵylym mınıstrliginiń aqparatyna sáıkes, bıyl UBT-ny 131 myńnan astam túlek tapsyrady. 150 ótkizý orny belgilengen. Barlyq UBT ótkizý oryndary teplovızor, dezınfeksııalyq tonnel jáne aıaq kıimdi zararsyzdandyrýǵa arnalǵan kilemsheler, medısınalyq pýnkter, sanıtaızerler, maskalarmen qamtamasyz etiledi.
E. Toǵjanov qazirgi epıdemıologııalyq jaǵdaıdy eskere otyryp, UBT-ny ótkizýdiń sanıtarlyq-epıdemıologııalyq talaptary boıynsha nusqaýlyqty ázirleý qajet ekenine, áleýmettik araqashyqtyqty saqtaý, sanıtarlyq talaptardy mindetti túrde oryndaý, oqýshylardy testileý oryndaryna jetkizýdiń qaýipsizdik sharalaryn uıymdastyrýǵa nazar aýdardy.
Otyrys qorytyndysy boıynsha Premer-Mınıstrdiń orynbasary E. Toǵjanov birneshe naqty tapsyrma berdi.
