– Memleket Basshysy Qasym-Jomart Toqaev Ulttyq qoǵamdyq senim keńesiniń úshinshi otyrysynda sóılegen sózinde Densaýlyq saqtaý salasynda qalyptasqan óte mańyzdy jáne ózekti máselelerdi qozǵady. Birinshi kezekte, dárigerlik qatelikter men klınıkalyq zertteýler júrgizý tártibin buzǵany úshin qylmystyq qýdalaýǵa qatysty máseleni sóz etti.
Atap aıtqanda, biz Prezıdenttiń qazirgi tańda dárigerlik mindetterdi tıisinshe oryndamaý týraly uǵymdy zań júzinde jáne naqty ajyratý qajettiligi týraly aıtqan sózin tolyq qoldaımyz.
Prezıdent ǵylymdy damytýǵa úlken kóńil bólýde. Ol óz sózinde Úkimettiń irgeli ǵylym men zertteý ınstıtýttaryn bazalyq qarjylandyrý kólemin ulǵaıtý múmkindigin qarastyrý kerektigin atap ótti.
Aıta keteıik, QazOjRǴZI-da klınıkalyq jáne ǵylymı zertteýlerdi sapaly júrgizý úshin qarjylandyrýdy da, materıaldyq-tehnıkalyq bazamen jabdyqtaýdy da talap etetin klınıkalyq zertteýler júrgiziledi, deıdi Dılıara Radıkqyzy.
Sonymen qatar elimizdiń Bas onkology onkologııalyq aýrýlardyń aldyn alý men erte asqyndyrmaı dıagnostıkalaýǵa úlken kóńil bólinetindigin atady.
Máselen, Qazaqstan halqy úshin emhanalarda onkoskrınıngterdiń 3 túri tegin júrgiziledi:
1) Sút bezi obyryna
2) Kolorektaldy obyrǵa
3) Jatyr moıny obyryna.
Jyl saıyn memlekettik bıýdjetten skrınıngter júrgizýge 4 mıllıard teńge bólinedi.
– Qazirgi tańda, COVID-19-ǵa qatysty jaǵdaıdy eskere otyryp, árbir adam sanıtarlyq-epıdemıologııalyq normalar men jeke gıgıenanyń mańyzy men saqtalýyn túsinýi tıis.
QazOjRǴZI-da bizdiń mamandarymyzdyń biliktiligin arttyrý boıynsha júıeli túrde jumystar júrgiziledi, mysaly, oqytý konferensııalary, master-klastar, sheteldik mamandarmen birlesken týmorbordtar. Prezıdenttiń joǵary bilikti mamandarǵa kóp kóńil bólgeni qýantady.
QazOjRǴZI ujymy Memleket basshysynyń barlyq bastamalaryn qoldaıdy jáne otandyq medısınanyń jańa, sapaly deńgeıin kóterý úshin bárin jasaıdy, – deıdi Dılıara Radıkqyzy.
