«S.M. Kırov atyndaǵy zaýyt» AQ 2003 jyly «Qazaqstan ınjınırıng» ulttyq kompanııasynyń qaramaǵyna ótti. Kásiporyn arnaıy maqsattaǵy ónimderdi, elektr tehnıkalyq ónimderdi, baılanys quraldaryn, temirjol jáne munaı-gaz salalaryna arnalǵan qaýipsizdik jáne avtomatıka júıelerin óndirýge mamandanǵan. Sondaı-aq, servıstik qyzmet kórsetý, montajdaý, iske qosý-retteý jumystaryn, barlyq óndiriletin ónimge tehnıkalyq qyzmet kórsetýdi jáne jóndeýdi oryndaıdy.
Qazirgi ýaqytta kásiporyn óz salasynyń flagmany sanalady. О́nimdi satýdan túsken tabys turaqty túrde artyp keledi.
Sonymen qatar, zaýyt lokomotıvtik qaýipsizdik quraldaryna qyzmet kórsetý jáne relsti qosqyshtardy jetkizý boıynsha birqatar uzaq merzimdi kelisimsharttardy oryndaýshy. Qazirgi ýaqytta birqatar jobalardy iske asyrý josparlanyp otyr, atap aıtqanda:
- 3 jyl ishinde kompıýterlik tehnıka óndirisin kezeń-kezeńmen oqshaýlap, 70%-ǵa deıin jetkizý. Jaqyn arada birinshi partııany shyǵarý josparlanyp otyr;
- Qaýipsiz temir jol konteınerlik tasymaldaryn qamtamasyz etý úshin «Konvoı-P» kúzet dabyldamasy júıesin ázirleý jáne óndirý;
- Atys polıgondary úshin shyǵarylatyn jabdyqtardy odan ári jetildirý;
- «BORT» lokomotıvtik qaýipsizdik júıeleri óndirisin ıgerý;
- Reseılik áriptespen birlesip, «RLSM» lokomotıvtik jáne stasıonarlyq radıostansııalar óndirisin oqshaýlaý.
Budan basqa, «S.M. Kırov atyndaǵy zaýyt» AQ radıoelektrondyq ónimge arnalǵan kóp qabatty baspa platalaryn óndirýdi uıymdastyrý jónindegi memlekettik ınvestısııalyq jobany iske asyrýda. Osyǵan baılanysty 2019 jylǵy qyrkúıekte Soltústik Qazaqstan oblysyna jumys sapary aıasynda Memleket basshysy zaýytqa baryp, kásiporyndy jańǵyrtý jumystaryn joǵary baǵalady.
