Ortalyq referendým komıssııasynyń tańǵy ýaqyttaǵy deregine sáıkes, Qaraǵandy oblysy 26,64 paıyz kórsetkishpen eń belsendi óńirlerdiń qatarynan kórindi. Adamdardyń erekshe aǵyny Temirtaý qalasyndaǵy №307 referendým ýchaskesinen baıqaldy.
Pavlodar oblysynda da turǵyndar referendýmǵa belsendi qatysyp jatyr. Pavlodar qalasyndaǵy №476 daýys berý ýchaskesinde tańǵy saǵattardan bastap halyq kóptep kelip, daýys berý uıymdasqan túrde ótip jatyr. Ýchaskege kelgen turǵyndar kezekpen tirkelip, bıýlletenderin alyp, óz tańdaýyn jasaýda.
Mańǵystaý oblysynda da turǵyndardyń belsendiligi baıqalady. Ásirese Qaraqııa aýdanynda saılaýshylar tańǵy ýaqyttan bastap ýchaskelerge kelip, referendýmǵa qatysyp jatyr. Jergilikti turǵyndar azamattyq ustanymyn bildirip, daýys berý prosesine belsendi aralasýda.
Al Túrkistan oblysynda da referendým ýchaskelerinde adam qarasy kóp. Baqylaýshylardyń aıtýynsha, óńirdiń birqatar eldi mekenderinde turǵyndar tańerteńnen bastap daýys berýge kelip, referendýmǵa belsendi qatysyp jatyr.
Osylaısha elimizdiń ár óńirinde azamattar referendýmǵa qatysyp, óz tańdaýyn jasaıdy. Daýys berý ýchaskelerinde prosess zań talaptaryna saı, uıymdasqan túrde ótip jatyr.
102 jastaǵy Uly Otan soǵysynyń ardageri referendýmda daýys berdi
