Sýretti túsirgen – Valerıı Býgaev
Pavlodar munaı-hımııa zaýyty aýmaǵynda sýtegi óndirý boıynsha qondyrǵy salynyp jatyr. Investısııalyq joba ıesi – «Er Lıkıd Munaı Teh Gazy» JShS. Jobanyń jalpy quny 90 mln eýrodan asady. Ony «Air Liquide» jáne «QazMunaıGaz» UK» AQ birlesken kásiporny júzege asyrady. Qondyrǵynyń óndiristik qýaty saǵatyna 12 500 qalypty tekshe metr sýtegini quraıdy. Nysandy jyl sońyna deıin paıdalanýǵa berý josparlanyp otyr.
– Jobanyń basty ereksheligi – onyń ınnovasııalyq sıpaty. «Air Liquide» kompanııasy álemdik tájirıbede alǵash ret FOIK (First of Its Kind) tehnologııasyn engizip otyr. Bul tehnologııa býtan-býtılen fraksııasynan sýtegi óndirýdi kózdeıdi. Ol joǵary tıimdiligimen, zııandy shyǵaryndylardyń tómen deńgeıimen erekshelenedi jáne álemde senimdi ári suranysqa ıe tehnologııalardyń biri sanalady. Bul sheshimdi dástúrli túrde osyndaı óndiristerde qoldanylatyn tabıǵı gazdyń bolmaýyna baılanysty kompanııanyń Maındaǵy Frankfýrt qalasyndaǵy ınjenerlik ortalyǵynyń mamandary ázirlegen. Osylaısha, Pavlodar oblysy atalǵan tehnologııa júzege asyrylatyn Qazaqstandaǵy ǵana emes, «Air Liquide» kompanııasynyń álemdik jelisindegi alǵashqy óndiristik alańyna aınalady, – dep málimdedi óńirlik ákimdikten.
Qazir óńirge barlyq tehnologııalyq jabdyqtar jetkizilip, olar ornatylyp jatyr. Buǵan qosa rıformıng peshi qurastyrylyp, metall qurylymdary daıyndalady. Qurylys kezeńinde shamamen 200 jumys orny ashylsa, joba iske qosylǵannan keıin 25 turaqty jumys orny qurylýǵa tıis.
Mamandardyń aıtýynsha, jobanyń strategııalyq mańyzy zor. О́ndiriletin sýtegi qysqy dızel otynyn shyǵarýda paıdalanylady. Bul ımportqa táýeldilikti azaıtyp, eldiń energetıkalyq qaýipsizdigin nyǵaıtýǵa múmkindik beredi. Sonymen qatar óńir ekonomıkasyna zamanaýı tehnologııalardy tartýǵa jol ashady.
Pavlodar oblysy
