Foto: X/FIFA
Keshe AQSh, Meksıka men Kanada birlesip qabyldap jatqan álemdik dodanyń shymyldyǵy túrildi. Týrnırdiń fınaly kelesi aıda Nıý-Djersı shtatyndaǵy MetLife Stadium arenasynda ótedi. Chempıonat kezeńinde stadıonǵa ýaqytsha New York New Jersey Stadium ataýy berilgen.
Sondaı aq Manhettenniń ortalyǵyndaǵy 50-kóshe men 6-avenıý qıylysy «Terrı Anrı Ýeı» dep ataldy. Is-sharaǵa Fransııa quramasynyń 1998 jylǵy álem chempıony, «Arsenal» men «Barselonanyń» burynǵy shabýylshysy Terrı Anrı beınebaılanys arqyly qatysty.
Anrı Nıý-Iorktiń «Red Býllz» klýbynyń sapynda óner kórsetken. Fransııalyq fýtbolshy MLS lıgasynda bes maýsym ótkizip, 2014 jylǵa deıin komanda sapynda oınaǵan.
Sondaı-aq Kýıns aýdanyndaǵy Shea Road jáne Meridian Road kósheleriniń qıylysyna ýaqytsha brazılııalyq fýtbol ańyzy Peleniń esimi berildi.
Qala ákimdiginiń sheshimine sáıkes, kóshelerdiń jańa ataýlary 1 qarashaǵa deıin saqtalady.
Aıta keteıik, keshe Meksıkada Álem chempıonatynyń alǵashqy ashylý saltanaty ótti. Birinshi oıynda meksıkalyqtar Ońtústik Afrıka Respýblıkasy quramasyn 2:0 esebimen jeńdi.
