vıdeodan skrınshot
Oqıǵa tórt kún buryn bolǵan. Qazirgi ýaqytta Kamılla Djýrabaeva aýrýhanada em qabyldap jatyr. Onyń sózinshe, sabaqtan úıine qaıtyp kele jatqanda avtobýs ishinde áıeldiń qyzyna qatty daýys kóterip, balaǵattap jatqanyn kórgen. Qyzdy jaqtap birneshe jolaýshy aralasqanymen, ashýǵa býlyqqan áıel tek Kamıllaǵa shabýyl jasaǵan.
Stýdenttiń aıtýynsha, áıel onyń jaǵasynan ustap, basynan birneshe ret urǵan. Keıin shashynan tartyp, tizerletip qoıǵan. Dárigerler oǵan mı shaıqalýy men bas aımaǵyndaǵy gematoma dıagnozyn qoıǵan.
Almatydaǵy jeke ońaltý ortalyǵynda erekshe balalardy uryp-soqqan
Kamıllanyń sózinshe, janjal avtobýs ishinde ǵana emes, aıaldamada da jalǵasqan. Qyz avtobýstan túskennen keıin áıel sońynan erip shyǵyp, soqqyǵa jyǵýdy jalǵastyrǵan. Oqıǵa kýágerleri aralasyp, jasóspirimdi qaýipsiz jerge alyp ketken.
Zardap shekken qyzdyń anasy Irına Klıýchnıkova áıeldiń qyzyna erekshe qatygezdik tanytqanyn aıtty. Onyń aıtýynsha, kúdikti qyzdy shashynan súırep, qolymen uryp, tipti tizerleýge májbúrlegen.
Oqıǵaǵa baılanysty Almaty qalasy Alataý aýdandyq polısııa basqarmasy qylmystyq is qozǵady. Qazir tártip saqshylary beınejazbalardy zerttep, kúdiktiniń jeke basyn anyqtaý jumystaryn júrgizip jatyr.
Almatydaǵy balalar aýrýhanasynda ana men dáriger arasynda janjal shyqty
Polısııa málimetinshe, densaýlyqqa qasaqana jeńil zııan keltirý faktisi dáleldense, kúdiktige 50 táýlikke deıin qamaýǵa alý jazasy qoldanylýy múmkin.
Zardap shekken qyzdyń týystary áıeldi tanyǵan azamattardy polısııaǵa habarlasýǵa shaqyrdy.
