Zańnama boıynsha mundaı ótinishterge 4 jumys kúni ishinde jaýap berilýge tıis. Al is júzinde jaýaptar 6-15 jumys kúni aralyǵynda joldanǵan. Sonymen qatar basqarma memlekettik kirister organdaryna kásipkerlerge jarnamany «habarlamasyz» ornalastyrdy degen negizben salyqtyń eki eselengen mólsherlemesin qoldaný týraly bastama kótergen.
Prokýratýra bul áreketti zańsyz dep tanydy. Atalǵan tájirıbe 2 331 jarnama taratýshyǵa qatysty qoldanylǵan. Nátıjesinde kásipkerlerge zańsyz eseptelgen tólemderdiń jalpy somasy 1,2 mıllıard teńgeden asqan. Kásipkerlerdiń quqyqtaryn qalpyna keltirý maqsatynda prokýratýra ýákiletti organdarǵa prokýrorlyq qadaǵalaý aktisin engizdi. Ony qaraý qorytyndysy boıynsha bıznes sýbektileriniń jeke shottaryndaǵy zańsyz eseptelgen somalar qysqartyldy.
Sondaı-aq kásipkerlik qyzmetke zańsyz aralasqany úshin Sáýlet jáne qala qurylysy basqarmasy basshysynyń orynbasary ákimshilik jaýapkershilikke tartyldy. Ol óz kinásin moıyndap, taǵaıyndalǵan aıyppuldy tolyq kólemde tólegen. Almaty qalasynyń prokýratýrasy kásipkerlerdiń quqyqtaryn qorǵaý jáne memlekettik organdar tarapynan zańsyz áreketterge jol bermeý óz qyzmetiniń negizgi baǵyttarynyń biri bolyp qala beretinin atap ótti.
Janasyl ZAITIMHAN,
EUÝ stýdenti
