Foto: UQK
Vedomstvonyń málimetinshe, olardyń biri – Astana qalasynyń turǵyny áleýmettik jelilerde terrorıstik ıdeologııany nasıhattaǵan. Sondaı-aq aınalasyndaǵylardy terrorıstik belsendilik aımaqtaryna shyǵýǵa úgittegen. Sot sheshimimen ol 8 jylǵa bas bostandyǵynan aıyryldy.
Ekinshisi – Shymkent qalasynyń týmasy aınalasyndaǵylardy Qazaqstanda teokratııalyq memleketin qurýǵa shaqyryp, terrorızm ıdeıalaryn taratqan. Sot ony 7 jylǵa bas bostandyǵynan aıyrýǵa úkim shyǵardy.
UQK qyzmetkerleri Atyraý ákimin jumys ornynan alyp ketken
«Osy kezeńde Astana, Almaty, Shymkent qalalarynda, Atyraý, Aqtóbe, Jambyl, Qaraǵandy, Túrkistan jáne Abaı oblystarynda osyndaı qylmystar jasady degen kúdikpen 11 adam, onyń ishinde 2 sheteldik jáne shetelden ekstradısııalanǵan 3 Qazaqstan azamaty ustaldy. Olar ǵalamtorda jáne óz aınalasynda ekstremıstik materıaldardy taratty, terrorıstik belsendilik aımaqtaryna shyǵýǵa jáne ózderiniń ustanymdarymen kelispeıtin adamdarǵa qatysty zorlyq-zombylyqqa shaqyrdy dep kúdiktelip jatyr», delingen habarlamada.
Qylmystyq kodekstiń tıisti baptarynda sotqa deıingi tergep-tekserýler júrgizilip jatyr.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Eske salaıyq, aqpan aıynda UQK Nurlan Sabýrovqa qatysty tekseristi bastaǵany týraly aıtylǵan.
