12 maýsym kúni ótken kezekti sot otyrysynda marqum Elaman Tilemisovtiń otbasy atynan advokat Gúlmıra Babajanova qatysty. Buǵan deıin jábirlenýshi tarap Chernovtar áýletiniń advokattyq qyzmetinen bas tartqany belgili bolǵan.
Jańa qorǵaýshy sottan is materıaldarymen tolyq tanysý úshin qosymsha ýaqyt berýdi surady. О́tinishke proseske qatysýshylar qarsy bolmaǵandyqtan, sot kelesi otyrysty 15 maýsymǵa belgiledi.
Ál-Farabıdegi jol apaty: Jalǵan kýálik bergenderdiń ústinen qylmystyq is qozǵaldy
Aıyptalýshy Aleksandr Pak Qylmystyq kodekstiń 345-1-babynyń 4-bóligi boıynsha jaýapqa tartylyp jatyr. Tergeý nusqasyna sáıkes, ol mas kúıinde kólik júrgizip, jol qozǵalysy erejelerin buzý saldarynan eki nemese odan da kóp adamnyń ólimine sebep bolǵan.
Qaıǵyly jol apaty 21 naýryzǵa qaraǵan túni Ál-Farabı dańǵylynda boldy. Oqıǵa saldarynan Mercedes kóliginiń júrgizýshisi Elaman Tilemisov pen eki jolaýshy qyz kóz jumdy.
Ál-Farabı dańǵylyndaǵy apat: jábirlenýshi tarap kinálige keshirim berdi
Tergeý málimetinshe, Aleksandr Pak basqarǵan Zeekr markaly kólik qarsy baǵytqa shyǵyp ketip, Mercedes-pen soqtyǵysqan. Saraptama qorytyndysy boıynsha, apat kezinde júrgizýshi jeńil dárejedegi alkogoldik masań kúıde bolǵan.
