Foto: Ashyq derekkóz
Tergeý barysynda anyqtalǵandaı, 2024-2025 jyldary ótinish berýshilerdiń elge kelýinsiz-aq JSN rásimdeýge kómektesetin arnaıy shema uıymdastyrylǵan. Tipti bul qylmystyq áreketti iske asyrý maqsatynda áleýmettik jelide arnaıy arna ashylyp, JSN-dy qashyqtan alýǵa nıetti shetel azamattary jappaı izdestirilip, tartylyp otyrǵan.
Zańsyz áreketke «Azamattarǵa arnalǵan úkimet» memlekettik korporasııasynyń Astana qalasy boıynsha fılıalynyń jekelegen qyzmetkerleri qatysqan. Olar aqparattyq júıelerge kórineý jalǵan málimetter engizip, JSN rásimdeýge qajetti ótinimderdi zań talaptaryn buza otyryp rásimdegen.
Zańsyz qyzmet úshin alynǵan syıaqy deldaldar arqyly banktik aýdarymdar túrinde berilip, keıin qylmystyq shemaǵa qatysýshylar arasynda bólingen.
Qylmystyq is sotqa joldandy. Qylmystyq-prosestik kodekstiń 201-babyna sáıkes, sotqa deıingi tergep-tekserý materıaldary jarııa etýge jatpaıdy.
Eske sala keteıik, Qazaqstanda shetel azamattaryna arnalǵan kóshi-qon qyzmetterin sıfrlandyrý jumystary jalǵasyp jatyr. Endi olar jeke sáıkestendirý nómirin (JSN) jáne basqa da memlekettik qyzmetterdi jańa mobıldi qosymsha arqyly ala alady.
Janbota BAHYTBEK,
EUÝ stýdenti
