Foto: istockphoto.com
Aýqymdy zertteý qorytyndysy boıynsha, Qazaqstan álemniń 82 memleketi engen jahandyq tizimde 36,0 ball jınap, 53-orynǵa taban tiredi. Bul nátıje elimizdi TMD aımaǵy boıynsha eń úzdik kórsetkishke ıe memleket retinde aıqyndady.
Baǵalaý krıterııleri qandaı?
Reıtıng avtorlary álem elderin shetel azamattary úshin ómir súrý men qonys aýdarýdyń tıimdiligi turǵysynan arnaıy saraptaǵan. Taldaý barysynda mynadaı negizgi faktorlar negizge alyndy:
- О́mir súrý sapasynyń deńgeıi;
- Ekonomıkalyq múmkindikter men damý áleýeti;
- Ishki eńbek naryǵynyń qazirgi jaǵdaıy;
- Mıgranttardyń jergilikti qoǵamǵa jyldam beıimdelýine jasalǵan jaǵdaılar.
Jahandyq deńgeıde kósh basynda Shveısarııa tur, bul memleket 60,8 ball jınady. Alǵashqy bestiktiń qataryna Islandııa (60,2 ball), Lıýksembýrg (60,1 ball), Avstralııa (59,0 ball) jáne Germanııa (58,7 ball) endi.
Qazaqstan álemdegi eń baqytty elder reıtınginde 33-orynǵa kóterildi
О́zge TMD memleketteriniń kórsetkishteri tómendegideı qalyptasty:
- Molodova – 56-oryn;
- Ázerbaıjan – 66-oryn;
- Armenııa – 74-oryn;
- О́zbekstan – 75-oryn.
