Foto: alfa.kz
Vedomstvo bul bastamany ekonomıkany sıfrlyq transformasııalaý strategııasy aıasynda júzege asyrýdy josparlady. Osyǵan baılanysty Astana Hub rezıdentterin qoldaýdyń 2028 jyldan keıingi parametrleri ázirlenip, olardy 2045 jylǵa deıin uzartý kózdelgen.
Mınıstrliktiń málimetinshe, bastama Qazaqstannyń óńirlik IT-ortalyq retindegi pozısııasyn nyǵaıtyp, tehnologııalyq kompanııalar úshin turaqty ári básekege qabiletti bıznes-orta qalyptastyrýǵa múmkindik beredi. Uzaq merzimdi jospar jasandy ıntellekt salasyndaǵy jahandyq úrdisterdi, eksporttyq áleýetti keńeıtýdi jáne joǵary tehnologııalyq ınvestısııalardy tartýdy eskeredi.
Vedomstvo Astana Hub sıfrlyq ekonomıkany damytýdaǵy tıimdiligin dáleldegenin atap ótti. Sondyqtan aldaǵy mindetterdiń biri – qol jetkizilgen nátıjelerdi saqtap qana qoımaı, IT-kompanııalarǵa uzaq jyldarǵa arnalǵan damý josparyn qurýǵa jaǵdaı jasaý.
Qazirgi tańda Astana Hub ekojúıesinde 2 268 kompanııa tirkelgen. Hab aıasynda 35 myń joǵary bilikti jumys orny ashylyp, 438 mlrd teńge kóleminde ınvestısııa tartylǵan. Sonymen qatar otandyq IT-sheshimderdiń eksport kólemi 1,9 mlrd dollarǵa jetken.
Qazir mınıstrlik sarapshylar men memlekettik organdardyń qatysýymen qoldanystaǵy qoldaý tetikterin taldap, olardy jetildirý baǵytynda jumys júrgizip jatyr. Negizgi basymdyqtar qatarynda ınnovasııalyq ortany damytý, adamı kapıtaldy kúsheıtý jáne jasandy ıntellekt salasyndaǵy ozyq tehnologııalardy engizý bar.
Mamandardyń pikirinshe, Astana Hub-ty damytýdyń uzaq merzimdi strategııasy Qazaqstandy tehnologııalyq bıznes úshin álemdegi eń tartymdy elderdiń birine aınaldyrýǵa baǵyttalǵan memlekettik saıasattyń mańyzdy bóligi bolmaq.
