Prezıdent tapsyrmasymen ázirlengen zań maquldandy

Otyrys barysynda senatorlar «Qazaqstan Respýblıkasynyń jańa Konstıtýsııasyn qabyldaýǵa baılanysty raqymshylyq jasaý týraly» zańdy jáne oǵan ilespe «Qazaqstan Respýblıkasynyń keıbir zańnamalyq aktilerine atqarýshylyq is júrgizý jáne sot oryndaýshylarynyń mártebesi jáne quqyqbuzýshylyq profılaktıkasy máseleleri boıynsha ózgerister men tolyqtyrýlar engizý týraly», sondaı-aq «Qazaq­stan Respýblıkasynyń Qylmys­tyq kodeksine, Qazaqstan Respýblı­ka­synyń Qylmystyq-proses­tik kodeksine jáne «Qazaqstan Respýb­lıkasynyń Ákimshilik quqyqbuzý­shylyq týraly» kodeksine ózge­ris­ter men tolyqtyrýlar engizý týraly» zańdardy qarap, maquldady.

«Maquldanǵan zańdar toptamasy Prezıdent Qasym-Jomart Toqaevtyń jańa Konstıtý­sııanyń qabyldanýyna baılanys­ty qylmystyq jáne ákimshilik raqymshylyq jasaý jónindegi tapsyrmasyn iske asyrý maqsatymen ázirlendi. Zańdar aıasynda toqtatylatyn jáne jazadan bosatylatyn isterdiń sanattary aıqyndaldy. Birqatar sanat boıynsha jaza merzimderi qysqartylady. Ákimshilik raqymshylyq el tarıhynda alǵash ret júzege asyrylatynyn da erekshe atap ótken jón. Senat maquldaǵan zańdar qoǵam­da Ata zańnyń gýmanıstik ári pro­gressıvti qundylyqtaryn orny­q­tyrý jolyndaǵy mańyzdy qadam ekeni anyq», dedi palata spıkeri.

Otyrysta depýtattar bir­qatar halyqara­lyq kelisimdi de ratı­fı­kasııa­la­dy. Olardyń qataryn­da «Mamandan­dyrylǵan mekemelerdiń artyqshylyqtary men ımmýnıtetteri týraly kon­vensııaǵa Qazaqstan Respýb­lı­kasynyń eskertpesin jáne málim­demesin alyp tastaý týraly» jáne «Qazaqstan Respýblıka­synyń Úkimeti men О́zbekstan Respýb­lıkasynyń Úkimeti arasyn­daǵy Qazaqstan – О́zbekstan memlekettik shekarasynyń rejimi týraly kelisimdi ratıfıkasııalaý týraly» zańdar bar. Sondaı-aq senatorlar «Qazaqstan Respýblıkasynyń Úkimeti men Birikken Ulttar Uıymy arasyndaǵy Qazaqstan Respýblıkasynda Birikken Ulttar Uıymynyń Ortalyq Azııa men Aýǵanstan úshin ornyqty damý maqsattary jónindegi óńirlik ortalyǵyn qurý týraly kelisimdi ratıfıkasııalaý týraly» jáne «Qazaqstan Respýblıkasynyń Úkimeti men Birikken Ulttar Uıymy arasyndaǵy Birikken Ulttar Uıymynyń Ortalyq Azııa men Aýǵanstan úshin ornyqty damý salasyndaǵy maqsattar jónindegi óńirlik ortalyǵyna qatysty ózara túsinistik týraly memorandýmdy ratıfıkasııalaý týraly» zańdardy qarap, maquldady.

Bul qujattar Ortalyq Azııa elderi men Aýǵanstannyń qajetti­likterine baǵdarlanǵan ornyqty damý, klımattyq turaqtylyq, ınklıý­zıvti ekonomıkalyq ósý, áleý­mettik saıasat jáne gýmanı­tar­lyq yntymaqtastyq salalaryn­daǵy birlesken baǵ­darlamalardy iske asyrý úshin quqyq­tyq negiz qalyptastyrýǵa baǵyttalǵan.

«Qazaqstan Birikken Ulttar Uıymynyń qurylymdarymen yntymaqtastyqty júıeli túrde nyǵaıtyp keledi. Keıingi jyldary Memleket basshysynyń bastamasymen osy baǵyttaǵy uzaqmerzimdi halyqaralyq jobalar júzege asyrylyp jatyr. Sonyń biri – Ortalyq Azııa men Aýǵanstan úshin Ornyqty damý maqsattary jónindegi BUU О́ńirlik ortalyǵynyń qurylýy. Bul jumysqa Ornyqty damý salasyndaǵy ulttyq maqsat-mindetterdiń iske asyrylýyna monıtorıng júrgizý jónindegi Parlamenttik komıssııa da eleýli úles qosyp keledi. Almaty qalasyn­da qurylǵan arnaıy ortalyq aımaq­taǵy elderdiń ornyqty damýy úshin mańyzdy. Qabyldanǵan sheshimder óńirlik yntymaq­tastyqty odan ári nyǵaıtýǵa oń yqpalyn tıgizedi dep senemiz», dedi M.Áshimbaev.

Kún tártibindegi kelesi máseleler gazben jabdyqtaý jáne elektr energetıkasy, sıfrlandyrý jáne derbes derekterdi qorǵaý, jol qozǵalysy jáne kóliktegi ozyq tehnologııalardy retteý, janýarlar dúnıesi, orman, ańshylyq jáne bal arasy sharýashylyǵy salalaryna qatysty zańdar boldy.

Sonyń ishinde «Qazaqstan Respýblıka­synyń keıbir zańnamalyq aktilerine gazben jab­dyqtaý jáne elektr energetıkasy máseleleri boıynsha ózgerister men tolyqtyrýlar engizý týraly» zańda kóp­páterli turǵyn úılerdi jylýmen jabdyqtaý úshin paıdalanylatyn suıy­tylǵan munaı gazynyń baǵasyn memlekettik retteý, paıdalanylmaǵan fraksııalardy óndirýshilerge qaıtarý arqyly suıytylǵan munaı gazyn taratý tetikterin jetildirý jáne gıdroakkýmýlıasııalyq elektr stansalaryn salý úshin ınvestısııalar tartý máseleleri qarastyrylǵan.

Sonymen qatar depýtattar qara­ǵan «Qazaqstan Respýblıkasynyń keıbir zań­namalyq aktilerine áskerı qyzmetshilerdiń quqyqtyq jaǵdaıyn jetildirý, qorǵanys jáne áskerı qyzmet másele­leri boıynsha ózgerister men tolyqtyrýlar engizý týraly» zań áskerı qyzmetshilerdiń áleýmettik jáne quqyqtyq qorǵalý deńgeıin arttyrýǵa arnalǵan túzetýlerdi qamtıdy.

Otyrys barysynda senatorlar bastamashy bolǵan, mashına jasaý salasyn qoldaýǵa baǵyttalǵan zańǵa basa mán berildi. «Qazaqstan Respýblıkasynyń keıbir zańnamalyq aktilerine mashına jasaýdy damytý jáne kólik máseleleri boıynsha ózgerister men tolyqtyrýlar engizý týraly» zań avtomobıl ónerkási­bin damytý, salalyq klasterler qurý, arnaıy ekonomıkalyq men ındýstrııalyq aımaqtardy damytý, sondaı-aq dýaldy bilim júıesin jetildirý jónindegi mańyzdy sharalardy kózdeıdi.

«Mashına jasaý jáne kólik salalaryn damytýǵa arnalǵan zań otandyq mashına jasaý ónerkásibin damytýǵa aıtarlyqtaı yqpal etýdi kózdeıdi. Engizilgen túzetýler júıe quraýshy kásiporyndardyń aınalasynda qalyptasatyn «ónerkásiptik klasterlerdiń» mártebesin aıqyndap, olardy memlekettik qoldaý sharalaryn naqtylaıdy. Qujat otandyq óndirýshiler úshin tıimdi yntalandyrý tetikterin engizip, arnaıy ekonomıkalyq aımaq sýbektilerine qoıylatyn talaptardy ońtaılandyrady. Bul normalardyń barlyǵy mashına jasaý salasynyń damýyna tyń serpin beredi dep senemiz», dep, Senat tóraǵasy zańǵa bastamashy bolǵan depýtattarǵa alǵys bildirdi.

Senat otyrysynda basqa da zańdar qaralyp, maquldandy. Olardyń qataryn­da kólik salasyna ozyq tehnologııa­lardy belsendi engizýge, jol qozǵalysy qaýipsizdigin sıfrlandyrýǵa, júrgizýshi­lerdi daıarlaý sapasyn arttyrýǵa jáne ulttyq kıberqaýipsizdikti nyǵaıtýǵa arnalǵan «Qazaqstan Respýblıkasynyń keıbir zańnamalyq aktilerine sıfr­landyrý, derbes derekterdi qorǵaý, jol júrisi jáne kóliktegi ozyq tehnologııalardy retteý máseleleri boıynsha ózgerister men tolyqtyrýlar engizý týraly» zań bar.

Senatorlar «Qazaqstan Res­pýb­lıkasy­nyń keıbir zańna­malyq aktilerine atqarýshylyq is júrgizýdi jetildirý máseleleri boıynsha ózgerister men tolyq­tyrýlar engizý týraly», «Qazaq­stan Respýblıkasynyń keıbir zańnamalyq aktilerine telekommýnıkasııalar naryǵyn jáne derekterdi óńdeý ortalyqtaryn damytý máseleleri boıynsha ózgerister men tolyqtyrýlar engizý týraly» jáne «Qazaqstan Respýb­lıkasynyń keıbir zańnamalyq aktilerine asyl tuqymdy mal sharýashylyǵy jáne bal ara sharýashylyǵy máseleleri boıynsha ózgerister men tolyqtyrýlar engizý týraly» zańdardy da maqul­dady. Olar tıisti salalardyń qyzmetin jetildirýge baǵyttalǵan.

Janýarlar dúnıesin paıdalaný talaptary men ańshylyq qaǵıdalaryn buzǵany úshin jaýap­kershilikti kúsheıtý maqsaty­men «Qazaqstan Respýblıkasynyń keıbir zańnamalyq aktilerine janýarlar dúnıesi, orman jáne ańshylyq sharýashylyǵy jáne kásipkerlik máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Qylmys­tyq kodeksine jáne «Qazaqstan Res­pýblıkasynyń Ákimshilik quqyqbuzýshylyq týraly» kodeksine ózgerister men tolyqtyrýlar engizý týraly» zańdar qaralyp, maquldandy.

Buǵan qosa «Ákimshilik quqyqbuzý­shylyq týraly» kodeks qorshaǵan ortaǵa emıssııa­lar monıtorınginiń avtomat­tandyrylǵan júıelerin ornatý jáne paıdalaný jónindegi talaptardy buzǵany úshin ákimshilik jaýaptylyqty kózdeıtin jańa bappen tolyqtyryldy. Bul shara ónerkásiptik shyǵaryndylarǵa ashyq jáne úzdiksiz baqylaý júrgizýdi qamtamasyz etýge múmkindik beredi.