Dene qımyldarymen, sergitý sátimen bastalǵan tańǵy jattyǵý qyzyqty oıyndarǵa jalǵasty.
Salaýatty ómir salty - bala bolashaǵynyń jarqyn kepili. Ansambl artısteri (bıshiler) kishkentaı dostaryna sporttyń mańyzyn, ómirimizdegi orny bólek qaǵıda ekenin uǵyndyryp qana qoımaı, mereke qarsańynda jataqhana alańyn balalardyń rııasyz kúlkisi men qýanyshyna bóledi.
Dene jattyǵýlary saýlyq pen symbattylyqtyń kepili bolsa, túrli oıyndar oı qabileti men kóregendikke, aqyldyń damýyna aparatyny barshaǵa belgili. Fılarmonııa artısteri balalyq shaqqa saıahat jasap, búldirshindermen oıyndar oınap, jaǵymdy energetıkalarymen ini-qaryndastaryn baýrap aldy.
Balapandardyń rızashylyǵy sheksiz. Qazaqtyń bas aqyny Abaı «adamnyń bir qyzyǵy - bala...» deıdi bir óleńinde. О́mirimiz urpaǵymyzben mándi, el bolashaǵy da - balalar. Mereke qarsańynda kishkentaı dostaryna shattyq syılap, syılyqtar úlestirip, bal dáýren baqyttyń ushqynyn syılaǵan ónerpazdarymyzdyń ıgi bastamasy - izgiliktiń bastaýy dep bilemiz.
