Sondaı-aq kóshe ataýlarynyń jazylýynda da kemshilikter jeterlik. Iаǵnı, bir kósheniń ózinde eki ataý jazylǵan. Burynǵy Kýıbyshev kóshesine belgili qoǵam qaıratkeri Maqtaı Saǵdıevtiń esimi berilgen bolatyn. Baqandaı eki jyl ótse de, kósheniń eki betinde eski ataýy men jańa ataýy qabat jazýly tur. Qala boıynsha osyndaı kósheler kóp. Máselen, Ýálıhanov kóshesinde osyndaı qatelikter jetip artylady. Sala mamandarynyń aıtýynsha, bul kúni oblys ortalyǵynda 56 kósheniń ataýy ózgertilgen.
– Biz bıyl úılerdegi 980 anshlangty aýystyramyz dep otyrmyz jáne 181 kóshe baǵyttaýshy belgilerdi aýystyramyz. Bul jumysqa jergilikti bıýdjetten 7 mln 800 myń teńge qarjy bólindi, – deıdi qalalyq turǵyn úı-kommýnaldyq sharýashylyǵy bóliminiń sektor meńgerýshisi Marat Aıjaryqov.
Sonymen qatar kóshedegi jazylǵan jarnama men kórneki aqparat mátinderindegi qateler de birden kózge túsedi. Atap aıtsaq, qazaq tilin burmalap, sózderdi qate jazý, orys tilinen týra maǵynada aýdarý sııaqty olqylyqtar oryn alady. Osyndaı kemshilikterdiń aldyn-alý baǵynda oblystyq ishki saıasat basqarmasynda «Jedel jeli» konsýltasııalyq kómek berý jumystary júrgizilgen. Osy jyldyń 4 aıynda jeke kásipkerler tarapynan 200-den astam qońyraý shalynyp, suraqtarǵa jaýap berilgen.
– Til týraly Zańnyń 21-babyna sáıkes kórneki aqparattyń barlyq mátini memlekettik tilde – sol jaǵyna nemese joǵarǵy jaǵyna, orys tilinde oń jaǵyna nemese tómengi jaǵyna ornalasyp, birdeı ólshemdegi áriptermen jazylýy qajet. Biraq osy talaptar oryndala bermeıdi. Keıbir kásipkerlerimiz óz jarnamalaryn tek oryssha jazýdy qup kóredi. Biz maýsym aıynan bastap arnaıy aksııa júrgizemiz. Sol aksııa aıasynda qate jazylǵan jarnamalarǵa, zańnamaǵa qaıshy keletinderge eskertýler jasalyp, usynys hattar jiberiledi, – deıdi oblystyq ishki saıasat basqarmasy tilderdi damytý jáne onomastıka bóliminiń jetekshisi Aıgúl Talpaqova.
Iá, quzyrly oryndardyń quzyrettiligi shekteýli. Osy rette, oblystyq ishki saıasat basqarmasy «saýatty jarnama» atty onlaın baıqaý jarııalady. Baıqaý sharty boıynsha qala kóshelerindegi Til zańnamalaryn buzǵan jarnamalar men kórneki aqparattardy sýretke túsirip, mekenjaıyn belgilep, basqarmanyń elektrondy pochtasyna jiberý kerek. Oǵan kez-kelgen adam qatysa alady. Jeńimpazdarǵa aqshalaı syıaqylar tabystalady. Baıqaý qorytyndysy 30 maýsymda shyǵady. Bul baıqaý qala kóshelerindegi kóz súrindiretin jarnamalardaǵy qatelerdiń azaıýyna septigin tıgizeri sózsiz.
Kókshetaý qalasy
