Qazir Jańaózendegi ortalyqtyń iske qosylǵanyna bir apta ýaqyt boldy. Osy aralyqta jeti myńnan astam jańaózendikke memlekettik qyzmet kórsetildi. 700 adam merzimi ótken jeke kýálikteri men tólqujattaryn rásimdep úlgerdi. Osynsha halyqqa ortalyqta nebári 15 maman qyzmet kórsetedi. Eldegi jaǵdaıǵa baılanysty halyq ishke kezekpen araqashyqty saqtap kirgiziledi.
- Bul eń birinshi kezekte halyq qaýipsizdigi úshin jasalyp jatqan shara. Jańaózendegi ortalyq aldyna halyqtyń kezek kútýine yńǵaıly bolýy úshin arnaıy shatyrlar ornalystyryp, oryndyqtar qoıdyq. Ortalyq qyzmetine júginý sátinde sabyrlyq tanytyp, tártipke baǵynsaq bul kezek kútken jaǵdaılar da artta qalatyn kez keledi, - deıdi Mańǵystaý oblysy boıynsha «Azamattarǵa arnalǵan úkimet» memlekettik korporasııasy KE AQ fılıal dırektory Erbol Baıjigit.
