Merdiger kompanııa ókilderiniń aıtýynsha, nysan jyl soǵyna deıin paıdalanýǵa beriledi. Qaýipti dert jer-jahandy jaılaǵan tusta medısına salasyna kóńil bólý zańdylyq. Bul memleket qamqorlyǵy. Tolyqtaı bir aýdan, ıaǵnı 23 myń adamǵa qyzmet kórsetetin aýdandyq aýrýhana jumysy qaıta jańǵyrmaq. Hırýrgııa, terapııa, bala týý bólimi sııaqty 6 bólimshededen turatyn aýrýhana 6 aıdan soń esigin aıqara ashady. Ázirge aýdan jurtshylyǵy Jaltyr kentindegi bólimshede em-dom qabyldap jatyr. Másele de joq emes. Birinshi kezekte medısına mamandarynyń tapshylyǵy. Qazir onǵa jýyq maman jetispeıdi.
68 emdelýshige shaqtalǵan negizgi ǵımarat, emhana, juqpaly aýrýlar bólimshesi tolyqtaı kúrdeli jóndeýden ótedi. Esik-terezesi aýystyrylyp, aýrýhana aýmaǵy abattandarylady. Elektr jáne káriz júıesi jańartylady. Búgingi tańda qurylys jumystaryna 75 adam jumyldyrylǵan. Merdiger – «Kókshe-Avtomatıka» kompanııasy ókilderiniń aıtýynsha, jumysqa negizinen jergilikti turǵyndar tartylǵan.
