Osydan bes jyl buryn qurbylarymen birge demalýǵa shyqqan kezde Aıǵanym taǵdyr tálkegine túsemin dep esh oılamap edi. Aıaq astynan oryn alǵan jol apatynan qurbysy kóz jumyp, ózi múgedek bolyp qaldy. Bir jarym jyl tósek tartyp jatyp, óziniń kúsh-jigeriniń arqasynda qol arbaǵa otyrdy. Keıin qarap otyrmaı, kásip ashýdy josparlaıdy.
– 2017 jyly qyrkúıek aıynda ınstagram arqyly bastaldy. Qazirgi tańda men 3 dúken ustaımyn. Úıdiń qasynda jáne «Bereke» saýda úıiniń ishinde koreı kosmetıkasy jáne tekstıl. Búkil bıznes telefonmen isteledi, ınstagram arqyly, - deıdi jas kásipker Aıǵanym Sultanova.
Aıǵanym taýarlaryn Almaty, Túrkimenstan, Qytaıdan tapsyryspen qabyldaıdy. Búginde óziniń turaqty klıentteri bar. Aldaǵy ýaqytta kásibin keńeıtip, úlken saýda núktesin ashýdy armandaıdy. Maqsatyna qol jetkizetinine senimdi. Onyń bastamalaryn ata-anasy, jaqyndary qoldaıdy.
Aıǵanym birneshe jyl qatarynan Nur-Sultan qalasynda ońaltý ortalyǵyna aqyly em alýǵa baryp júrgen. Endi qajet quraldaryn qoldan jasap, úıinde jattyǵý jasaıdy. Basynda tirek apparatynyń kómegimen aıaǵyn 2 mınýt ustaı almaıtyn jigerli boıjetken qazir 20 mınýttan astam ýaqyt tik tura alady. Qaıratty qyz qadam basyp keter kúniniń alys emestigine senimdi.
Kókshetaý qalasy
