«Mal sharýashylyǵy salasynda 4% kólemindegi turaqty ósim saqtalyp otyr. Jyl qorytyndysy boıynsha jalpy ónim kólemi 2,3 trln teńgege ósti. Kredıt berý jáne qosymsha sýbsıdııalaý arqyly iske asyrylǵan sharalar óz jemisin berdi. Máselen, aýyl sharýashylyǵy janýarlary ósiminde oń serpin baıqalyp otyr: iri qara mal men usaq mal 2,7%-ǵa, jylqy 11,5%-ǵa, shoshqa 2,5%-ǵa, qus 1,6%-ǵa artty», - dedi S. Omarov.
Onyń aıtýynsha, 2019 jyly qyzyl et óndirý kólemi 5,8%-ǵa, qus etin óndirý kólemi 15,8%-ǵa ulǵaıdy. Memlekettik qoldaýdyń arqasynda sút óńdeý 7%-ǵa, et óńdeý 8%-ǵa artty. Bul rette sút zaýyttarynyń júktemesi 18%-ǵa, et kombınattarynyń júktemesi 21,6%-ǵa ulǵaıdy.
«Mal sharýashylyǵyn damytýǵa QazAgro 2019 jyly 156,5 mlrd teńge baǵyttady. Quny 53 mlrd teńge bolatyn 82 myń bas iri qara mal ákelý jáne 12,3 mlrd teńgege 374 myń bas usaq mal satyp alý qarjylandyryldy. Sondaı-aq, quny 19,1 mlrd teńge bolatyn 16 jańa ınvestısııalyq joba qarjylandyryldy. Osylaısha, budan buryn qarjylandyrylǵan jobalardy eskergende, 2019 jyly mal sharýashylyǵynda jalpy quny 64,3 mlrd teńgege 54 ınvestısııalyq joba engizildi», - dedi mınıstr.
Aǵymdaǵy jyly 178 myń iri qara mal basyn (ishki asyl tuqymdy emes maldy qosa alǵanda) jáne 250 myńnan astam usaq maldy satyp alýdy qarjylandyrý josparlanýda, sondaı-aq ımport almastyrý sheńberinde 46 myń tonna sút jáne 30 myń tonna qus etin óndirý jobalaryn iske asyrý kózdelgen.
