Koronavırýs ınfeksııasy anyqtalǵan 2 adam – Reseı Federasııasynda jumys isteıtin Aqtóbe jáne Batys Qazaqstan oblysynyń turǵyndary. Olar Reseı Federasııasymen shekaradaǵy «Syrym» avtoótkelindegi sanıtarlyq-karantındik beket arqyly Qazaqstan aýmaǵyna ótken. Sol jerde epıdemıolog mamandar baılanyssyz termometrııa jasap, saýalnama júrgizgen. Osy kezge deıin qalyptasqan algorıtmge sáıkes, jedel járdem shaqyrylyp, azamattar karantındik stasıonarǵa jatqyzyldy. Sol jerde jasalǵan analız qorytyndysy koronavırýs belgisin anyqtaǵan.
Degenmen, aýrýdyń negizgi kózi buryn syrttan kelýshiler bolsa, endi ishki qarym-qatynasqa aýyp barady. Máselen sońǵy táýlikte anyqtalǵan 30 naýqas ózderine deıin koronavırýs ınfeksııasyn juqtyrǵan adamdarmen qarym-qatynasta bolǵan. Taǵy 5 adamnyń dıagnozy profılaktıkalyq maqsatta alynǵan zerthanalyq synama kezinde belgili boldy.
Sonymen qatar, 3 adam – Atyraý oblysy Teńiz ken ornynda vahtalyq ádispen jumys jasaıtyn Batys Qazaqstan oblysynyń turǵyndary eken. Olar kórshi aımaqtan kelýine baılanysty karantındik stasıonarǵa jatqyzylǵan bolatyn.
«Naýqastarmen qarym-qatynasta bolǵan adamdar anyqtalyp, barlyǵy medısınalyq baqylaýǵa alyndy. Aýrý oshaqtarynda dezınfeksııalyq jumystar júrgizildi. Epıdemııaǵa qarsy sharalar jalǵasýda» dep málimdeıdi mamandar.
2 maýsymnyń qorytyndysy boıynsha Batys Qazaqstan oblysynda koronavırýsty juqtyrǵan 732 adam tirkeldi, onyń ishinde 319-y indetten jazylyp shyqqan.
Batys Qazaqstan
