Búginde elordada «Jumyspen qamtý jol kartasy» baǵdarlamasy aıasynda 2410 adam jumysqa ornalastyryldy. Sondaı-aq 91 uıymmen nıet hattamasy jasalyp, 87 joba boıynsha jumystar bastaldy. Bos oryndar 91 jumys berýshimen usynylǵan. Buryn habarlanǵandaı, «Jumyspen qamtýdyń jol kartasy – 2020-2021» baǵdarlamasy aıasynda elordada 15 myńnan astam adamdy jumyspen qamtý josparlanǵan. Olardyń jartysy qalalyq jumyspen qamtý ortalyǵy arqyly ótedi.
Elorda turǵyndary túrli baǵyttar boıynsha bastalǵan 87 ınfrastrýktýralyq jobaǵa jumysqa ornalasa alady. Jumyspen qamtýdyń jol kartasy boıynsha áleýmettik sala, ınjenerlik-kóliktik ınfraqurylym, turǵyn úı-kommýnaldyq sharýashylyq, eldi mekenderdi abattandyrý boıynsha 117 ınfraqurylymdyq jobaǵa jumysqa ornalastyrý josparlanýda.
Qazirgi ýaqytta jumyspen qamtý ortalyǵynyń qyzmetkerleri jumyspen qamtý jol kartasy jobalaryna kadrlar irikteýde. Bos jumys oryndary enbek.kz elektrondy eńbek bırjasynda qoljetimdi bolady. Olar qurylys, jóndeý, abattandyrý salalarynda jumys isteýge múmkindik beredi.
Budan bólek, aqparattyq-túsindirý jumystaryn júrgizý, medısınalyq tekserý, qyzmetkerlerdi jınaý jáne jumys ornyna deıin tasymaldaý úshin mobıldi rekrýt pýnkti quryldy. Baǵdarlamaǵa qatysý úshin Nur-Sultan qalalyq jumyspen qamtý ortalyǵyna kelesi nómirler boıynsha habarlasý qajet: 57-88-89, 72-93-62. Tolyq aqparat jumyspen qamtý ortalyǵynyń (cz.astana.kz) resmı saıtynda.
