Al Qazaqstanda 2020 jyldyń 17-shi sáýirinen bastap 57 memleket úshin vızasyz rejim 1-shi qarashaǵa deıin engizildi. Sondaı-aq Qytaı men Úndistan úshin 72 saǵattyq vızasyz tranzıttik rejim engizilgen. Outfitter KZ dırektory Azamat Muhametjanovtyń aıtýynsha, bul sharalar el aýmaǵyna kiretin týrıster aǵynyn aıtarlyqtaı azaıtady.
̶ Konsýldyq alym 60 dollar. Almaty qalasyna keletin týrıst bir táýlik ishinde 100 dollar jumsaıdy. Bir apta ishinde 600-700 dollar ketedi. Ketetin shyǵynnyń 10%-yn vıza quraıdy. Buǵan ushaqpen kelip, qaıtý shyǵynyn qosyńyz. Qazaqstanmen básekeles retinde sheteldik týrıster aǵynyn qabyldaıtyn Mońǵolııa, О́zbekstan, Qyrǵyzstanda vızalyq rejim joq, ̶ deıdi Outfitter KZ dırektory.
Atalǵan salanyń sarapshylary týrızmdi tyǵyryqtan alyp shaǵar ilkimdi jobalar keregin, ol memlekettiń qoldaýy arqyly júzege asatynyn aıtyp, dabyl qaǵýda. Osyǵan oraı, taıaýda «Kazakh Tourism» Ulttyq Kompanııasy bıyl qandaı jobalar iske asatynyn málimdegen edi. Onyń ishinde elde avtomobıl saıahatyn damytý kerektigi aıtylǵan.
̶ Bul baǵytta daıyndyqty jetildirip, bıyl kerýenge arnalǵan marshrýttar men avtokempıngterdi túgendeımiz. «Kóshpendilerdiń zamanaýı kerýen-ekspedısııasy» atty joba elimizdiń ońtústik aımaǵynda eki apta jalǵasady. Ekspedısııadan keıin aınaıy karta ázirlenip, oǵan avtodomdar úshin qolaıly baǵyttar men turaqtar engizemiz. Kórshi Qytaı men Reseıde avtodomdar men motosıklderde nemese avtomobılderde, djıp-týrlardy qosa alǵanda, saıahatqa suranys joǵary. Qyzyǵýshylyq tanytqandar ondaǵan mln adamdy quraıdy. al Eýropada tek avtokaravandar ǵana shamamen 6 mln adam qyzyǵýshylyq bildiredi, ̶ deıdi «Kazakh Tourism» UK AQ tóraǵasy Erjan Erkınbaev. Belgili bolǵandaı, týrızm salasyndaǵy servısti anyqtaý úshin halyqaralyq tájirıbe negizinde jańa model engizý josparlanýda. Qarastyrylyp otyrǵan modelderdiń biri Qytaıda qoldanylatyn 5A júıesi men Ispan modeli ̶ Qualidad. Aıta keterligi, Kazakh Tourism bıyl pandemııanyń beleń alýyna baılanysty sheteldik iri jobalar men konkýrstarǵa qatysa almaı, bólingen qarajattyń 56 paıyzyn únemdep otyr.
