AQSh prezıdenti atyshýly postynda «Tonaýlar bastalǵan kezde, atystar da bastalady» dep jáne eger mer tártipsizdikti aýyzdyqtaı almasa, Mınneapolıske qarsylyqty janshýǵa Ulttyq gvardııa áskerin jiberýge ýáde etken bolatyn. Sýkerberg qaramaǵyndaǵylardyń «Vırtýaldy ereýili» osy sebepti oryn aldy.
Ataqty IT-kásipker áleýmettik jelidegi «aqıqattyń tarazyshysy» bolǵysy kelmeıtinin aıtyp aqtalyp, kim ne aıtsa da ózi biledi degenge keltirdi. Ekinshi jaǵynan ol prezıdent posty arqyly bıliktiń betperdesi sheshiletinin aıtty. Dese de Facebook kompanııasynda bul máselege arnalǵan jınalys bolyp, onda Tramptyń is-áreketi áleýmettik jeliniń erejesin buzbaıtyndyǵy, biraq jaqyn arada saıası tulǵalarǵa baılanysty saıasat ózgeretindigi málimdeldi.
Sondaı-aq Mark Sýkerberg óz jekebasynyń Aq úı basshysy postyna kózqarasy teris ekenin jetkizdi. Prezıdenttiń málimdemesine bir kórgennen jıirkenishpen qaradym degen ol barlyq adam óz quqy úshin kúresýi jáne ony bılikten talap etýi durys dedi.
Tramp myrzanyń osyǵan uqsas posty Twitter áleýmettik jelisinde de jarııalanǵan edi. Kompanııa ol postqa laık qoıý nemese pikir jazý sııaqty fýnksııalaryn birden óshirip tastady. Biraq retýıt jasap, bólisýdi qaldyrǵany túsiniksiz bolǵanyn kópshilik talqylaý ústinde.
