Shyn máninde, ol – ǵalamat bapker edi. Máskeýdiń týmasy 1977-1992 jyldar aralyǵynda Keńes Odaǵy quramasynyń bas bapkeri qyzmetin abyroıly atqardy. Sol kezderi aıtýly komanda ózi qatysqan jarystardy tegisteı utyp júrdi. Olardyń súringen kezderi tym sırek.
Naqty málimetterge súıensek, úsh márte Olımpııa oıyndarynyń jáne segiz ret álem chempıonatynyń jeńimpazy atandy. Onyń syrtynda kúmis pen qola medaldar taǵy bar. Máskeýdiń SSKA klýby ishki birinshilikte 12 ret top jaryp, halyqaralyq dodalalarda qarsylas shaq keltirmedi. 1978-1990 jyldary armııashylardan jasaqtalǵan komanda qatarynan 13 márte Eýropa chempıondar kýbogyn oljalady.
Tıhonovtyń tusynda KSRO-nyń qyrandary Ulttyq hokkeı lıgasynda (UHL) óner kórsetetin oıynshylardan áldeqaıda myqty bolǵanyn eshkim joqqa shyǵara almaıdy. Sol sebepti de álemdegi eń úzdik bapkerlerdiń biri ári biregeıi retinde aıtýly azamattyń esimi sporttyq shejirege altyn áriptermen jazyldy.
Dańqty bapker 2014 jyldyń 24 qarashasynda 85 jasqa qaraǵan shaǵynda jaryq dúnıemen qosh aıtysty.
