Júrgizilgen taldaý barysynda «Qazavtojol» UK» AQ MO fılıal dırektory men onyń orynbasarlary sybaılas jemqorlyqqa qarsy shekteýler qabyldamaǵany anyqtalǵan. «Sybaılas jemqorlyqqa qarsy is-qımyl týraly» QR Zańynyń 12-baby 1-tarmaǵyna sáıkes óz ókilettikterin jeke, toptyq jáne ózge de qyzmettik emes múddelerge paıdalanýǵa ákep soǵýy múmkin is-áreketterdi jasaýǵa jol bermeý maqsatynda joǵaryda atalǵan basshylar ózine birqatar sybaılas jemqorlyqqa qarsy shekteýlerdi qabyldaıdy.
- Atalǵan fakt boıynsha biz mynadaı usynys engizdik – Zańnyń 12-babynyń talaptaryn múltiksiz oryndaý úshin fılıal dırektoryna ózi jáne óz orynbasarlarynyń sybaılas jemqorlyqqa qarsy shekteýlerdi qabyldaýyn qamtamasyz etý, - dedi Serik Qanybekov.
Sondaı-aq fılıal qyzmetkerlerin jumysqa qabyldaý kezinde biliktilik talaptarynyń buzylǵandyǵy anyqtaldy. Biliktilik talaptaryna sáıkes, sapany baqylaý jáne jumystardy qabyldaý bóliminiń bas mamany laýazymyna arnaıy orta nemese joǵary bilimi bar, osy nemese uqsas laýazymda keminde 3 jyl jumys ótili bar tulǵa taǵaıyndalady. Alaıda, 2016 jyly JOO- aıaqtap kelgen eńbek ótili joq tulǵany jumysqa qabyldaǵan.
Belgilengen biliktilik talaptaryn buzý laýazymǵa qabyldaý jáne taǵaıyndaý kezinde sybaılas jemqorlyq táýekelderiniń baryn kórsetedi. «Qazavtojol»UK» AQ MO fılıal dırektoryna tulǵalardy jumysqa qabyldaý jáne olardy qyzmetke taǵaıyndaý kezinde biliktilik talaptarynyń múltiksiz saqtalýyn qamtamasyz etý boıynsha usynys engizildi.
Sonymen qatar, memlekettik qyzmet kórsetýden zańsyz bas tartý faktileri anyqtaldy. Iаǵnı standarttyń tiziminde kórsetilgen qujattardy usynbaýmen baılanysady.
«TengeOil I Gaz» JShS kompanııasyna «Jetibaı – Jańaózen – Kendirli – Túrkimenstan shekarasy» avtomobıl jolymen qıylysýdy jobalaý úshin tehnıkalyq sharttardy berýden eki ret bas tartyldy. Bul bas tartýlar standartta kózdelgen avtomobıl jolymen qıylysý orny shemasynyń bolmaýymen dáleldengen. Alaıda, kórsetilgen shema osy qyzmetti kórsetý úshin qajetti qujattar tizbesine kirmeıdi jáne standartta kózdelmegen.
Eger «Respýblıkalyq mańyzy bar avtomobıl joldarynyń arnalarmen, baılanys jáne elektr berý jelilerimen jáne basqa da ınjenerlik jelilermen qıylysýyna ruqsat berý» sııaqty memlekettik qyzmet túrin kórsetý úshin avtomobıl jolymen qıylysatyn jerdiń shemasyn mindetti túrde usyný qajet bolsa, onda joǵary turǵan organnyń aldynda Memlekettik qyzmet Standartyna tıisti túzetýler engizý týraly usynysqa bastamashylyq jasaý qajet.
