Qyzmettik kólikterge bekitilgen qyzmetkerler jol qozǵalysy erejelerin jáne joǵary sapaly júrgizýdi, sonymen qatar jol qaýipsizdigin qamtamasyz etý týraly bilýi mindetti. Jaqynda Polısııa departamentiniń kompıýterlik synybynda polısııa júrgizýshileri úshin jol erejelerin bilýge arnalǵan test ótkizildi. Júrgizýshi kýáligi bar polısııa qyzmetkerleriniń jol júrý erejelerin bilý deńgeıi tekserildi. Kompıýterlik synyp jol júrý erejesin bilýge arnalǵan testilerdi oryndaý úshin emtıhan tapsyrýǵa arnalǵan zamanaýı baǵdarlamamen jabdyqtalǵan.
Testileýden tek oblys ortalyǵynyń polısııa qyzmetkerleri ǵana emes, sonymen qatar aýdandarda qyzmet etetin tártip saqshylary da ótti. Barlyq testilenýshiler tapsyrmalardy oryndady. Polısııa-júrgizýshilerdiń bilimin tekserýdiń mundaı tásili jedel-qyzmettik mindetterdi sheshýge turaqty daıyndyqty qoldaý úshin qajet.
Mańǵystaý oblysy
