«Búgin elimizdiń egemendigi men birtutastyǵynyń qasterli sımvoly sanalatyn Qazaqstan Respýblıkasynyń Memlekettik rámizderi kúni.
Prezıdentimiz óz quttyqtaýynda atap ótkendeı, Eltańba, Tý, Ánuran – Táýelsizdigimizdiń basty qundylyqtarynyń kórinisi, beıbitshilik, birlik pen kelisimniń, ósip-órkendeýdiń belgisi. Sondyqtan olardy qurmetteý, tumardaı saqtap, qorǵaý – ár qazaqstandyqtyń abyroıly mindeti.
Qazaqstan Táýelsizdik alǵaly beri mártebeli jıyndar men mereıli jeńisterde kók baıraǵymyz bıikte jelbirep, Ánuranymyz asqaq shyrqalyp keledi. Osylaısha, rámizderimiz ultty uıystyryp, azamattarymyzdyń patrıottyq sezimin nyǵaıtatyn aıryqsha belgilerge aınaldy.
Qurmetti dostar, barshańyzdy ataýly kúnmen quttyqtaı otyryp, egemen elimizdiń eńsesi bıik, rýhy asqaq, mereıi ústem bolsyn dep tileımin!», - dedi ol.
