Abdrahman Dıas, «Tátti qyz», 2018 jylǵy baıqaýdyń birinshi oryn ıegeri
Fotobaıqaýdyń taqyryby – tabıǵattyń sulýlyǵy men osaldyǵy. Baıqaýǵa qatysýshylar óz jumystarynda taza tabıǵatty da, ekologııalyq qaýip-qaterden kóz jumǵan tabıǵatty kórsete alady. Mindetti shart - barlyq sýretter Qazaqstanda jasalýy tıis.
Baıqaý barlyq jastaǵy áýesqoı jáne kásibı fotograftar úshin ashyq.
Ár qatysýshy kelesi sanattar boıynsha 10 fotosýretke deıin usyna alady:
- Qazaqstannyń florasy men faýnasy
- Qazaqstannyń tabıǵaty
- Qazaqstannyń ekologııasy men qorshaǵan ortasy
– Biz zamanaýı, kreatıvti jáne rezonanstyq, kúrdeli, erekshe jáne ádemi jumystardy yntalandyramyz. Alaıda qorshaǵan ortaǵa qamqorlyq jasaýdy bastaýǵa jáne adamzattyń tabıǵat aldyndaǵy jaýapkershiligin arttyrýǵa úndeıtin jumystardy baǵalaımyz, – deıdi uıymdastyrýshylar.
Fotosýret jumystary 2020 jyldyń 30 tamyzyna deıin qabyldanady.
Eń úzdik júmystar «Ekologııa jáne jasyl ósim salasyndaǵy yntymaqtastyq» taqyrybynda Kókshetaý qalasynda ótetin Qazaqstan men Reseıdiń óńiraralyq yntymaqtastyǵynyń halyqaralyq forýmy aıasynda qoıylady. Baıqaý jeńimpazdary bizdiń saıt pen áleýmettik jelilerde jarııalanady. Sondaı-aq elektrondyq poshta arqyly habarlanady.
Fotobaıqaýǵa qatysý úshin qazaqgeography.kz saıtynda tirkelip, qoǵamnyń múshesi bolý qajet. Múshelik QazaqGeography is-sharalaryna qatysýǵa eksklıýzıvti múmkindik beredi. Jyl saıynǵy múshelik jarna eresekter úshin 2000 tg, oqýshylar, stýdentter men zeınetkerler úshin – 500 tg. Baıqaýǵa 18 jasqa tolǵan QazaqGeography músheleri ne kámeletke tolmaǵan qoǵam músheleriniń ata-analary, qorǵanshylary nemese aǵa dostary qatysa alady. QazaqGeography qoǵamyna kirý jáne qatysý sharttary týraly tolyǵyraq qazaqgeography.kz. saıtynan bilýge bolady.
QazaqGeography bes baǵytta jumys isteıdi: geografııa, klımat; qorshaǵan orta, tabıǵat resýrstary; bıoalýantúrlilik; týrızm, saıahat, ólketaný; tarıhı-mádenı mura, etnografııa. Qazirgi ýaqytta Qazaqstanda 11 ókildik ashylǵan.
