Saıasat • 05 Maýsym, 2020

Elimizdiń basty qundylyqtary

37 ret kórsetildi

Memlekettik rámizder – Tý, Eltańba jáne Ánuran Qazaq­stan Respýblı­kasynyń derbes­tigi men táýelsizdigin búkil álem­ge tanytýdyń ári memle­keti­­miz­diń ótkeni men búgi­nin jáne bo­lashaǵyn sabaqtas­ty­ra­­tyn jarqyn kórinisi ekeni sózsiz.

Tań­men talasa turǵan kók­shet­aý­lyq­tar qala kóshe­lerin­degi sal­ta­nattyń kýási bol­dy. Áýeli Aby­laı han dańǵy­ly­nan bastaý alǵan sherý Táýel­sizdik ala­ńynda toǵysty. Ýálı­hanov kóshe­siniń boıynda «Ev­razııa Grýpp Qazaqstan» JShS-nyń  ujymy áýeletip Án­urandy oryndady.

– Sóz qudireti degen ǵajap-aý, Ánurandy estigen saıyn tula boıyń shymyrlap, keýdemdi maqtanysh sezimi kerneıdi, – deıdi qala turǵyny Nurlan Al­pys­baev, – osyndaı sharalardy ótkizgen óte durys. Árkim­niń boıynda elge, jerge degen, súıikti Otanymyzǵa degen qurmet arta túsedi.

Oblys ortalyǵyndaǵy bir­qa­tar eńbek ujymy ortaq mere­kege bir adamdaı qatysyp, óz kóki­­­rek­terindegi peıil men nıet­­tiń máńgi sónbes ushqynyn kór­setti. «Agrımer Astyq», «Gor­mol­zavod», «Aqsaı Nan» serik­tes­­tik­teriniń ujymdary óz eń­bek oryn­darynda da barshasy bir adam­daı bolyp Ánurandy oryn­­dady. Ondaǵan ult ókiliniń bir arnada toǵysqan tilek-nıet­­teri asqaq ánniń áýelegen lebimen jasyl jelekke oranǵan qasıetti Kókshetaý qalasynyń kógil­dir aspanynyń astynan qal­qyp shyǵyp, jalpaq dalaǵa shy­myr­lap tarap bara jatty. Oblys­tyq sot ǵımaratynyń aldynda «Me­niń týym – meniń, Otanym!» ak­sııa­­sy ótkizildi. N.Nazarbaev dań­ǵy­ly 95 turǵyn úıiniń alańynda bel­­gili aıtysker aqyn Muhamed Qoń­qaev elimizdiń basty qun­dy­lyq­taryn jalyndy jyrmen órdi.

Buqpanyń baýraıynda Tý kóter­gen jıyrmaǵa jýyq avto­kólik sap túzep, qala kóshe­lerin ara­laýǵa attandy. Bul bir ár kóki­rekte óz eline degen ól­sheý­siz mahabbattyń kórini­sin kór­­setetin, aq túıeniń qar­ny jaryl­ǵan sáttegi jan qýany­shyn, rýh qýanyshyn  sebezgi­leı­tin sát edi.  Qaz-qatar júrip bara jatqan kólikterge kóz salǵan kópshilik ózderiniń máń­gilik murat tutqan eldiń bir bólshegi ekenin uǵyn­ǵan saıyn el mereıi arta túse beredi eken.

– Biz, sportshylar halyq­ara­­lyq jarystarda top jarǵan saıyn eli­mizdiń Ánura­ny oryn­dalyp, týy kó­teril­gende tebi­re­nisti sátti bas­­tan ke­shemiz, – deıdi boks­tan álem chem­pıo­natynyń qola júl­­d­e­geri Karına Ibragımova, – Ota­ny­­myz­dyń me­reıin ústem etip, jalpaq álem­ge tanytý qan­daı baqyt.

Bul kúni qoǵamdyq kólikterde mem­­lekettik tý taratylyp, «Rá­miz­­derim – maqtanyshym!» ak­sııa­­sy ótkizildi. Kórgen jan­nyń kó­ki­re­gine oı salatyn, alpys eki tamyryn shymyrlatatyn mazmuny tereń, maǵynasy mol sharalar sherýi keshke deıin tolastaǵan joq.    

 

Aqmola oblysy

 

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Uqsas jańalyqtar