Oblys Nur-Sultan qalasyna 11 myń tonna et jáne et ónimderin jóneltip otyr. Makınsk qalasyndaǵy qus fabrıkasynyń ózi 25 myń tonna qus etimen qamtamasyz etýde. Al, sút jáne sút ónimderi boıynsha elorda turǵyndarynyń qajettiligin 34 prosentke qanaǵattandyryp otyr.
– Oblystyń iri qus fabrıkalarynan jyl saıyn 800 mıllıon jumyrtqa jiberiledi. Suranystyń 94 prosentin biz ózimizdiń ónimmen qamtamasyz etip otyrmyz, – deıdi oblystyq aýyl sharýashylyǵy basqarmasynyń bólim jetekshisi Botagóz Birkenova.
Astyqty óńir elordalyqtardy unmen de, kókónispen de qamtamasyz etýde. Búginde aımaqta kókónis saqtaıtyn 56 qoıma bar. Bas qalaǵa qoımalardaǵy kartoptyń 90 prosenti jóneltilýde.
– О́nim túrlerin kóbeıtý maqsatynda jańa jobalar iske asyrylýda. «Gormolzavod» seriktestigi túrli ıogýrttardy ázirleý ústinde. Shelektep, kılogramdap satatyn balmuzdaqtardy endi olar arnaıy paketterde, túrli dámdeýishter qosyp, balmuzdaq úlgilerin kóbeıtpek, – deıdi oblystyq aýyl sharýashylyǵy basqarmasynyń bólim jetekshisi Botagóz Birkenova.
Birjan sal aýdanynda qatty jáne jumsaq irimshikterdi ázirleıtin joba iske asýda. Olar irimshiktiń 20-dan astam túrin óndirip, elordaǵa jiberýdi josparlap otyr.
