Qoǵam • 05 Maýsym, 2020

Bas prokýratýra zańsyz mıtıngterge qatyspaýǵa shaqyrdy

43 ret kórsetildi

Qazaqstan Respýblıkasy Bas Prokýrorynyń orynbasary B. B. Dembaevtyń «Prokýratýra týraly» Zańnyń 31-baby tártibine baılanysty úndeýi jarııalandy. Bul týraly Bas prokýratýranyń baspasóz qyzmeti habarlady.

6 maýsymynan bastap «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» jańa Zań (budan ári - Zań) qoldanysqa engiziledi.

Jınalystardy, mıtıngilerdi jáne pıketterdi uıymdastyrý jáne ótkizý úshin Zańmen habarlama jasaý tártibi qarastyrylǵan.

Uıymdastyrýshy olardy ótkizý kúnine deıin bes jumys kún buryn jergilikti atqarýshy organǵa habarlama beredi, ol úsh jumys kún ishinde ony qaraýǵa tıis (Zańnyń 10, 11-baptary). Bul merzim aıaqtalǵan soń jaýap bolmaǵan jaǵdaıda, uıymdastyrýshy beıbit jınalysty ótkizedi (Zańnyń 11-baby 1-tarmaǵynyń 3-tarmaqshasy).

Demonstrasııalar men sherýler úshin kelisim tártibi belgilengen. О́tinishter ótkiziletin kúnge deıin on jumys kún buryn beriledi, ol boıynsha jergilikti atqarýshy organ jeti jumys kún ishinde jaýap berýge mindetti (Zańnyń 12, 13-baptary).

Osy ýaqyt ishinde uıymdastyrýshy men jergilikti atqarýshy organ beıbit jınalystardy qaýipsiz ótkizý, olarǵa qatysýshylardyń densaýlyǵyn saqtaý úshin jaǵdaılar jasaıdy.

Bul rette beıbit jınalystar arnaıy oryndarda ótkizilýi tıis (Zańnyń 9-baby).

Dál osy sátte jergilikti ókildi organdar osyndaı oryndardy jáne demonstrasııalar men sherýler úshin júrý marshrýttaryn, olardy materıaldyq-tehnıkalyq jáne uıymdastyrýshylyq qamtamasyz etýge qoıylatyn talaptardy, pıketteýdi ótkizýge tyıym salynǵan irgeles aýmaqtardyń shekaralaryn aıqyndaý boıynsha rásimdi júrgizýde (Zańnyń 1-babynyń 3 tarmaqshasy, 8-babynyń 2-tarmaǵy).

Beıbit jınalystar kórsetilgen rásim aıaqtalǵannan keıin uıymdastyrylýy jáne ótkizilýi múmkin.

Densaýlyq saqtaý mınıstrligi 2020 jylǵy 4 maýsymda úndeý taratyp, onda karantın kezeńinde elde buqaralyq is-sharalardy, onyń ishinde mıtıngilerdi ótkizýge tyıym salynǵanyn kórsetken.

Ony saqtamaǵany úshin ákimshilik jáne qylmystyq jaýaptylyq kózdelgen.

Degenmen, jekelegen tulǵalar el azamattaryn 2020 jylǵy 6 maýsymda jappaı mıtıngilerge shyǵýǵa shaqyrýda.

Jańadan belgilengen tártipti buza otyryp ótkiziletin jınalystardy uıymdastyrý jáne olarǵa qatysý zańsyz bolyp tabylady jáne Ákimshilik quqyq buzýshylyq týraly kodekstiń 488-baby boıynsha ákimshilik jaýaptylyqqa ákep soqtyrady (tipti 15 táýlikke qamaýǵa alýǵa deıin).

Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirýmen qatar júrse, qylmystyq jaýaptylyq týyndaıdy (QK-niń 400-baby).

Osyǵan baılanysty, azamattardy arandatýshylyq jasamaýǵa jáne zańsyz jarııa aksııalarǵa qatysýdan bas tartýǵa, beıbit jınalystar uıymdastyrý jáne ótkizý kezinde jańa zańnyń erejelerin múltiksiz saqtaýǵa shaqyramyz.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar