Orys teatrynyń ártisteri Ánurandy shyrqady

Teatr dırektory Aıbolat Jáýdirdiń bastamasymen teatr aýla­synda sap túzegen sıqyrly sahna sheberleri qolyn oń jaq keýd­esi – júrek tusyna qoıyp, zor ma­habbat hám patrıottyq rýh­ta eli­mizdiń Ánuranyn oryndady.

– Bıylǵy kóktem barlyq óner ujymy úshin erekshe jaǵdaıda ótti. Kórermensiz qalǵan teatr­lar áste eńsesin túsirmeı, kerisinshe aldaǵy maýsymǵa daıyndyǵyn kúsheıtip, mamyrajaı jaz mezgilimen bir­ge jańa qoıylymdardyń tu­saýyn kesýge qyzý daıyndyq ústinde. M.Gorkıı atyndaǵy akademııalyq orys drama teatry ujymy da teatr zalyn lyq toltyratyn kórermenin, ónersúıer qaýymmen etene aralasar shýaqty kúnderin saǵyndy. Osyǵan oraı Memlekettik rámizder kúninde kóppen birge Ánuranymyzdy shyrqap, kórermenderimizge, jalpy Qazaq eline zor qurmetimizdi, patrıottyq sezimimizdi jetkizgi­miz keldi. Laıym Týymyz tuǵyr­ly, Eltańbamyz eńseli, Ánurany­myz aıbyndy, eldigimiz máńgilik bolǵaı! – dedi teatr dırektory.

Karantın ýaqytynda da iz­de­nisten qol úzbegen teatr ár­tis­teri eki aı boıy arnaıy mýzyka mamanymen qazaq án­derin úırenipti. Nátıjesi 9 mamyr – Uly Je­ńistiń 75 jyl­dyq mereıtoıyna oraı Seıdolla Báıterekovtiń áıgili «Álııa» ánin onlaın oryn­dap, kórermenniń ystyq yqy­lasyna bólense, Memleket­tik rámizder kúni oryndaǵan Ánuran – elordalyq M.Gorkıı atyndaǵy akademııalyq orys drama teatry ujymynyń Qazaq eline jasaǵan taǵy bir tamasha tartýy.