Úkimet • 08 Maýsym, 2020

Mádenıet men sport salasy jandanady

24 ret kórsetildi

Memleket basshysy Qasym-Jomart Toqaevtyń «Ortalyq memlekettik organdar basshylarynyń halyq aldynda esep berý kezdesýlerin ótkizý» týraly Jarlyǵyna sáıkes ótken jumada Qazaqstan Respýblıkasy Prezıdenti janyndaǵy Ortalyq kommýnıkasııalar qyzmeti alańynda Mádenıet jáne sport mınıstri Aqtoty Raıymqulovanyń halyq aldyndaǵy jyl saıynǵy esep berý kezdesýi ótti.

Qalyptasqan jaǵdaıǵa baılanysty qashyqtyqtan ótken eseptik kezdesý barysynda Aqtoty Rahmetollaqyzy mádenıet jáne sport salasynyń ótken jyldaǵy negizgi qyzmetterin qorytyndylap, atqarylyp jatqan jumystarǵa toqtalyp, aldaǵy josparlar týraly baıandady jáne el azamattarynan kelip túsken suraqtarǵa onlaın jaýap berdi.

Baıandamada búgingi kúni mınıstrlik tarapynan Elbasynyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalaryn, Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizgi» atty Joldaýyn elimizdiń mádenıet, týrızm jáne tilderdi damytý baǵdarlamalarynda basshylyqqa alynyp otyrǵany basa aıtyldy.

Sondaı-aq mınıstr tarıhı-mádenı muralardy memlekettik deńgeıde qorǵaý men ulttyq jádigerlerdiń jahandyq deńgeıde nasıhattalýyna jáne tarıhı eskertkishterdiń restavrasııalyq jumystaryna da keler jyldan bastap basa nazar aýdarylatyndyǵyna toqtaldy.

Mınıstr baıandamasynan sonymen qatar ádebıet, mádenıet pen ónerge qatysty máseleler de tys qalmady. Atap aıtsaq, 2019 jyly Alash arystary – Sáken Seıfýllın, Ilııas Jansúgirov jáne Beıimbet Maılınniń 125 jyldyq mereıtoılary, qazaqtyń kórnekti qalamgerleri Ábdijámıl Nurpeıisovtiń – 95, Ábish Kekilbaev pen Farıza Ońǵarsynovanyń 80 jyldyq mereıtoılary respýblıka kóleminde, Qazaq KSR halyq ártisi Ámına О́mirzaqovanyń ǵasyr toıy IýNESKO sheńberinde atalyp ótkenine toqtalǵan Aqtoty Rahmetollaqyzy, bıylǵy jyldyń da qazaq rýhanııaty úshin asa jaýapty hám tarıhı oqıǵalarǵa toly ekendigin tilge tıek etti.

– 2020 jyl qazaqtyń bas aqyny Abaı Qunanbaıulynyń 175 jyldyq, Ábý Nasyr ál-Farabıdiń – 1150 jáne ulyq ulys Altyn Ordanyń 750 jyldyǵy syndy mańyzdy mereıtoılyq is-sharalarǵa toly. Osy jyly qazaqtyń kórnekti aqyny jáne oıshyly Abaı Qunanbaevtyń mereıtoıyn atap ótýdemiz. Abaı fılosofııasy bizdiń mádenı jáne ulttyq biregeıligimizdiń ajyramas bóligine aınaldy. 21 qańtarda «Astana Opera» teatrynda uly Abaıdyń mereıtoıyn toılaýdyń resmı túrde ashylýy ótti. Memleket basshysy Qasym-Jomart Toqaevtyń da uly aqyn mereıtoıy týrasynda eń basty maqsat – toı toılaý emes, oı tolǵaý, oı órisimizdi keńeıtý ekendigine zor mán berip otyrǵanyn bilesizder. Soǵan saı aldaǵy ýaqytta aýqymdy jumystar atqarylýy kún tártibinde tur, – degen A.Raıymqulova ótken jyldyń mádenı oqıǵalaryn da pysyqtap ótti.

Mınıstr baıandamasynda kıno men teatr salasynyń jańalyqtary men máseleleri de keńinen sóz boldy. Sonyń biri – elordadaǵy Q.Qýanyshbaev atyndaǵy akademııalyq qazaq mýzykalyq drama teatrynyń eńseli ǵımaratqa kóshetin tarıhı sáti. Osyǵan oraı A.Raıymqulova teatr ujymynyń bıyl jańa ǵımaratqa qonys aýdaratyndyǵy jaıly jaǵymdy jańalyqty málim etti. Sonymen qatar «Qazaqstan Respýblıkasynyń Mádenıet týraly» zańyna ózgerister enetindigin, onyń ishinde, ásirese estradadaǵy fonogrammany qoldanýǵa qatysty naqty talaptar men erejeler bekitiletindigi de sóz etildi. Otandyq kınematografııa men jalpy ssenarısterdiń mártebesin kóterý, memlekettik deńgeıde dýblıaj salasyna qarqyndy kóńil bólý hám zamanaýı ulttyq kınomyzdy álemge tanytý, sol arqyly qazaq mádenıetin jahandyq arenaǵa shyǵarý máselesi de mınıstr baıan­damasynda jan-jaqty sóz bolyp, naqty jumys jospary jarııa etildi.

Budan bólek, mınıstr álemde beleń alǵan koronavırýs pandemııasynyń sport pen týrızm salasyna aıtarlyqtaı zalalyn tıgizgenin aıta kelip, aldaǵy ýaqytta júıeli jospar qurylyp, jumystar jańa jolǵa qoıylatynyn atap ótti. Naqty tarmaqtar boıynsha keshendi qurylyp, júıeli jasalǵan baıandama aldaǵy jyly mádenıet men sport salasy jumystarynyń jańa baǵytta jandanatyndyǵynan habar berdi.

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar