09 Maýsym, 2020

Soltústik Qazaqstan oblysynda qazba jumystary jalǵasady

52 ret kórsetildi

Soltústik Qazaqstan oblysyn ataqty Botaıdan keıin álemge tanytatyn ekinshi qazbany zerrtteý jumystary jalǵasatyn boldy, - dep habardaıdy Egemen.kz

Byltyrǵy qyrkúıek aıynda Manash Qozybaev atyndaǵy Soltústik Qazaqstan ýnıversıtetiniń ǵalymdary Pavlodar pedınstıtýtynyń Marǵulan ortalyǵyndaǵy áriptesterimen birlese otyryp Sh.Ýálıhanov aýdanynyń Bereke aýylynyń mańynan orta ǵasyrlarǵa jatatyn asa qundy arheologııalyq eskertkishter tapqanyn jazǵan bolatynbyz. Bul eskertkishter «Qyzyl oba» dep atalyp, Altyn Orda handarynyń jerlengen panteony dep anyqtalǵan.

Byltyr kúzdiń qara sýyǵy erte túsip, arheologııalyq jumystardy jalǵastyrý bıylǵa qaldyrylǵan bolatyn. Keshe SQO ýnıversıtetiniń ǵylym jáne ınnovasııalar jónindegi prorektory Aqmaral Ybyraeva jýrnalısterge brıfıng berip, bıylǵy qazba jumystaryn jalǵastyrýǵa 30 adamnan turatyn ekspedısııa erteń jolǵa shyǵatynyn málimdedi. Otyz adamdyq toptyń ishinde 15 stýdent, 5 magıstrant jáne 10 oqytýshy bar. Sonymen qatar tabylǵan eskertkishterdi qalpyna keltirý jumystaryna sheteldik restavratorlar shaqyrylatyny belgili boldy. Sonyń ishinde bir maman Sankt-Peterbýrgtyń ermıtajynan da kelmekshi eken. «Bul eskertkishtiń mańyzy bizdiń oblys qana emes búkil elimizdiń arheologııasy úshin de zor bolyp otyr. Ol týraly alǵashqy derekterdi Álıhan Bókeıhanov qaldyrǵan eken. «Qyzyl oba» ornalasqan jer astyq egýge qolaısyz, sondyqtan da eskertkish birshama aman saqtalǵan. Tek keıbir kirpishterin tóńirektegi turǵyndar qurylys jumystaryna buzyp alǵan. Buryn bizdiń oblysymyzda orta ǵasyrlarǵa tán eskertkishter joq delinip kelse, endi ondaı boljamdy «Qyzyl oba» teriske shyǵarǵaly otyr», dedi Aqmaral Ybyraeva.

Onyń sózin Tarıhı-mádenı muralardy qorǵaý men qoldaný ortalyǵynyń dırektory Rahat Mámbetalınov tolyqtyryp, ázirge 45 kúnge belgilengen ǵylymı ekspedısııa Petropavl men Pavlodar ýnıversıtetteriniń, muralardy qorǵaý ortalyǵynyń jáne Ýálıhanov aýdany men demeýshilerdiń esebinen qarjylandyrylatynyn aıtty.

Sóıtip, Soltústik Qazaqstan oblysyn ataqty Botaıdan keıin álemge tanytatyn ekinshi qazbany zerrtteý jumystary jalǵasatyn boldy.

Soltústik Qazaqstan oblysy

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar