Bul sýretterdi qala ákimdiginiń tapsyrysymen "Dızaın Sıtı" jarnamalyq agenttigi ázirlegen. Tamyz aıynyń sońyna deıin 21 nysan osyndaı strıt art dep atalatyn kompozısııalarmen árlenedi.
Qazirgi ýaqytta 6 kompozısııanyń nobaıy bekitildi. Eki nysanda sýret salynýda. Biri – Abylaıhan dańǵylyndaǵy turǵyn úı. Munda dızaınerler at ústindegi Abylaı handy beıneleıdi. Ekinshi nysan – Ýálıhanov kóshesinde. Ol jer kórnekti ǵalym Shoqannyń beınesimen bezendiriledi.
– Kelesi 4 nysanda saq stıli sııaqty tarıhı sýretter salynady. Ázirge naqty qandaı sýretter bolatyny belgisiz, – deıdi "Dızaın sıtı" jarnamalyq agenttiginiń jetekshisi Oljas Ábýov.
Strıt-art salýǵa on adam jumyldyrylǵan. Aldaǵy kúnderi olardyń qataryna taǵy birneshe dızaıner qosylmaq. Al qala turǵyndary turǵyn úılerdiń tarıhı sýrettermen árlenetinine qýanyshty.
