Ekonomıka • 09 Maýsym, 2020

Elimizde aýyl sharýashylyǵynyń jalpy ónim kólemi artty

73 ret kórsetildi

Aýyl sharýashylyǵy mınıstri Saparhan Omarov Premer-Mınıstr Asqar Mamınniń tóraǵalyǵymen ótken Úkimet otyrysynda 2020 jylǵy qańtar-mamyrdaǵy elimizdiń aýyl sharýashylyǵy damýynyń qorytyndylary týraly baıandady, - dep habarlady primeminister.kz.

Bıylǵy 5 aıdyń qorytyndysy boıynsha aýyl sharýashylyǵy jalpy óniminiń kólemi 2,2%-ǵa ulǵaıyp, 934,4 mlrd teńgeni qurady.

"Bul ósim mal sharýashylyǵyndaǵy ónim kóleminiń 2,3%-ǵa, onyń ishinde soıys salmaqtaǵy ettiń 3,5%-ǵa, súttiń 3,2%-ǵa ulǵaıýy esebinen qamtamasyz etildi. Oblystar kesindisinde Jambyl, Qaraǵandy, Aqmola, Batys Qazaqstan, Aqtóbe, Soltústik Qazaqstan, Almaty jáne Túrkistan oblystary respýblıkalyq tempten joǵary boldy", — dep málimdedi mınıstr.

Sondaı-aq iri qara mal sanynyń 4,1%-ǵa, qoıdyń 2,8%-ǵa, jylqynyń 7,9%-ǵa, túıeniń 4,4%-ǵa jáne shoshqanyń 1,5%-ǵa óskeni baıqalady. О́simdik sharýashylyǵynda 2020 jylǵy kóktemgi dala jáne egis jumystaryn der kezinde júrgizý úshin barlyq qajetti shara qabyldandy, búgingi kúni egis jumystary tolyǵymen aıaqtaldy.

Oblystar ákimdikteriniń jedel aqparaty boıynsha egis alańdary 237,7 myń gektarǵa artyp,  22,5 mln gektardy qurady.

Nátıjesinde azyqtyq daqyldarǵa arnalǵan alańdar 312,1 myń gektarǵa, maıly daqyldar alańdary 184,7 myń gektarǵa, baqsha daqyldaryna arnalǵan alańdar 7,4 myń gektarǵa, kókónis alańdary 3,9 myń gektarǵa, kartop alańdary 2,5 myń gektarǵa ulǵaıdy.

"Sapaly jáne ýaqtyly júrgizilgen ylǵaldylyqty saqtaý sharalary jáne egis aldynda júrgizilgen topyraqty óńdeý aramshópterdi barynsha joıýǵa jáne topyraqtyń ylǵaldylyǵyn saqtaýǵa yqpal etti. Egis jumystary ońtaıly merzimderde júzege asyryldy, nátıjesinde egin birkelki jáne tolyǵymen shyqty. Fermerler der kezinde jeńildetilgen janarmaımen, sapaly tuqymdarmen, tyńaıtqyshtarmen, tehnıkamen qamtamasyz etildi", - dedi S. Omarov.

Kelesi mańyzdy is-shara — egisti fıtosanıtarııalyq qorǵaý. О́simdikterdi qorǵaý quraldaryn satyp alýǵa yntalandyrý úshin aǵymdaǵy jyly 37 mlrd teńge kózdelgen, bul 16,6 mln lıtr pestısıd sýbsıdııalaýǵa múmkindik beredi.

"Qazgıdromettiń boljamyna sáıkes maýsym aıyndaǵy aýanyń ortasha temperatýrasy Soltústik Qazaqstan oblysynda, Qostanaı, Aqmola, Pavlodar oblystarynyń soltústik bóliginde normada bolady, Aqmola oblysynyń orta jáne ońtústik bólikterinde,  Qaraǵandy, Shyǵys Qazaqstan oblystarynyń kóp jerinde, sondaı-aq Pavlodar jáne Qostanaı oblystarynyń ońtústiginde normadan 1°S-qa joǵary bolady", - dep atap ótti aýyl sharýashylyǵy mınıstri.

Joǵaryda kórsetilgen oblystarda jaýyn-shashyn mólsheri normada bolady, Qaraǵandy oblysynda ǵana normadan tómen bolady dep boljanýda. Bul faktorlardyń barlyǵy qolaıly aýa-raıy jaǵdaıynda jáne egin jınaý jumystaryn ońtaıly merzimderde júrgizgen jaǵdaıda jaqsy túsim alýdy boljaýǵa múmkindik beredi.

Kórsetilgen kezeńde tamaq ónimderi óndirisi 2,3%-ǵa ósip, 743,3 mlrd teńgeni qurady. Bul rette, shujyq ónimderi óndirisiniń 20,5%-ǵa, makaronnyń 16,1%-ǵa, sary maıdyń 14,7%-ǵa, jarmanyń 13,5%-ǵa, unnyń 6,6%-ǵa, ósimdik maıynyń 5,3%-ǵa, qyshqyl sút ónimderiniń 4,8%-ǵa, syr men irimshiktiń 4,7%-ǵa óskeni baıqalady.

Aýyl sharýashylyǵynyń negizgi kapıtalyna salynǵan ınvestısııalar 14,3%-ǵa ulǵaıyp, 145,1 mlrd teńgeni, tamaq ónimderi óndirisi 18,8%-ǵa artyp,  28,5 mlrd teńgeni qurady.

5 aıdyń qorytyndysy boıynsha oń dınamıka baıqalady. Bul rette salany damytý úshin Úkimet josparlanǵan nátıjelerge qol jetkizýge múmkindik beretin qajetti sharalardy qabyldady.

Sońǵy jańalyqtar

Uqsas jańalyqtar