«Kelesi jyly Táýelsiz el bolǵanymyzǵa 30 jyl tolady. Osy ýaqyt aralyǵynda elimizdiń sportshylary dúnıejúzilik dodalarda atoı salyp, Qazaqstannyń kók baıraǵyn bıikte kóterip júr. Biz osy maqsatta halyqaralyq básekelerde synǵa túsip júrgen sportshylarymyzdyń ornyn basatyn talantty jastarǵa qoldaý kórsetemiz. Sol úshin balalar men buqaralyq sporty damytýǵa jáne tanymal etýge nıettimiz», deıdi Azamat Karlyǵashev.
Sondaı-aq QAZAQSTANDYG SPORTSHYLAR ODAGY tek jastarǵa ǵana emes, karerasyn aıaqtaǵan ardager sportshylarǵa da qoldaý kórsetedi. Qazirgi tańda atalǵan uıym óńirlermen belsendi jumys istep, ár oblysta ókildiktiń fılıaldaryn ashýdy kózdep otyr.
«Qazaqstan sportshylar odaǵynyń» qýatty quramynda birqatar Olımpıada jáne álem chempıonattarynda top jarǵan tanymal sportshylarymyz bar. Atap aıtar bolsaq, Olımpıada chempıondary Olga Shıshıgına, Ermahan Ibraımov, álem chempıonatynyń jeńimpazy men júldegerleri Ilıa Ilın, Serik Nurqazov, Bolat Jumádilov, Nurjan Kárimjanov, Qanat Ábýtalıpov, Serik Eleýov, Galıb Djafarov, Rýslan Shamkenov jáne boks jattyqtyrýshysy Sultan Qastoev.
