Atalǵan baıqaýdyń basty maqsaty – fototýyndylar arqyly Qazaqstan temir jolynyń dańqty tarıhy men damýyn kórsetý. Sonymen qatar temir joldaǵy dástúrler men sabaqtastyqty nyǵaıtýǵa, jas temirjolshylardy tarıhı estelikterdi saqtaýǵa yntalandyrýǵa, óz mamandyǵynyń ótkeni men búginine mahabbat pen maqtanysh sezimin qalyptastyrýǵa úndeıdi.
«Búginde aty ańyzǵa aınalǵan Túrksibti qysqa merzim ishinde adamdardyń qolmen salyp shyǵýy keremet sııaqty bolyp kórinedi. Bul jotalar men taý ózenderi, shóldi qumdar men sýsyz dala arqyly 1,4 myń shaqyrym relstik joltaban. Joldy Uly Jibek jolynyń jalǵasy dep sanaýǵa bolady: onyń boıynda jańa depolar, kópirler salynyp, baılanys júıesi jolǵa qoıyldy. Qazir óskeleń urpaq Túrksibtiń tarıhyn, ony salýshylardyń erlikteri týraly bilýi tıis. Bul Gınnester kitabyna laıyq rekord. Túrksib salýshylarynyń dańqty dástúrlerin qazirgi jastar jalǵastyrýy kerek», deıdi «QTJ» UK» AQ Konsýltatıvtik keńesiniń múshesi, Qurmetti temirjolshy Qaltaı Sámbetov.
Baıqaýǵa kelip túsken jumystar www.railways.kz korporatıvtik saıtyndaǵy Túrksibtiń 90 jyldyǵyna arnalǵan aıdarda jarııalanady. Qatysý talaby jalǵyz, úmitkerler retrofotolarda kórinis tapqan zamanaýı fotolaryn usynýy kerek.
Uıymdastyrýshylar bir mezgilde ótken jyldardy eske túsiretin búgingi sýretti kórkemdik-ıdeıalyq turǵydan baǵalap, úzdigin qazylar alqasynyń qaraýyna jiberedi. Júldeli oryn ıegerleriniń esimi 2020 jyldyń 17 shildesine deıin anyqtalady. Jeńimpazdar syılyqtarmen marapattalyp, olardyń jumystary Túrksibtiń 90 jyldyǵyna arnalǵan sýret kórmesine qoıylady. Sonymen qatar ulttyq kompanııanyń saıtynda jáne «Qazaqstan temirjolshysy» salalyq gazetinde jarııalanady. Jumystar osy jyldyń 15 maýsymy men 6 shildesi aralyǵynda qabyldanady.
