Aımaqtar • 11 Maýsym, 2020

Batys Qazaqstanda taǵy bir naýqas koronavırýstan kóz jumdy

595 ret kórsetildi

Batys Qazaqstan oblysynda taǵy bir adam koronavırýstyq ınfeksııadan kóz jumdy. Bul týraly búgin óńirdegi densaýlyq saqtaý basqarmasynyń basshysy Bolatbek Qaıýpov aıtty, - dep habarlaıdy Egemen.kz.

Marqum 1941 jyly týǵan áıel adam eken. 22 mamyr kúni onyń dene qyzýy 38 graýdýsqa deıin kóterilip, álsizdik paıda bolǵan. 3 dárejeli gıpotıreoz, arterııalyq gıpertenzııa sııaqty qosymsha aýrýlary bolsa da, medısınalyq kómekke júginbeı, úıde ózdiginen emdelgen. 25 mamyr kúni densaýlyǵy nasharlaǵan soń ýchaskelik dárigerge júgingen. 27 mamyr kúni saǵat 00:40-ta oblystyq juqpaly aýrýlar aýrýhanasynyń jan saqtaý bólimine túsip, 7 maýsym kúni saǵat 17:30-da qaıtys boldy.

Qaıtys bolǵan naýqastardyń ólim sebebin zertteıtin arnaıy komıssııanyń qorytyndysy boıynsha marqumǵa "COVID-19 koronavırýs ınfeksııasy, aýyr aǵymy (26.05.2020j. nazofarıngıaldy jaǵyndysy PTR RNK SARS Cov-2 - oń nátıje). Eki jaqty polısegmentti pnevmonııa" degen dıagnoz qoıylǵan. Buǵan qosa "Gıpotıreoz jáne JIA. Júrek jetispeýshiligi (irkilisi) bar júrekti basym zaqymdaıtyn gıpertenzııalyq (gıpertonııalyq) aýrý" degen qosymsha dıagnozy da bar.

11 maýsym kúngi málimet boıynsha Batys Qazaqstan oblysynda koronavırýs ınfeksııasyna shaldyqqan adamdardyń sany 878 adamǵa jetti. Sonyń ishinde 378 naýqas vırýsty oblys aýmaǵynan tys jerden juqtyrǵan. Búgingi tańda oblystyq juqpaly aýrýlar aýrýhanasynda 201 adam jatyr. Onyń tórteýiniń jaǵdaıy aýyr, arnaıy tynys aldyrý apparatyna jalǵanǵan.

"Koronavırýspen kúresýge qajetti barlyq dári-dármek, qural-jabdyq bar, mamandar jetkilikti. Ýaqyt ótken saıyn tájirıbemiz de tolysyp keledi. Mınıstrlik tarapynan da sońǵy álemdik medısınalyq zertteýlerge sáıkes naqty nusqaýlar kelip jatyr. Biz onyń bárin qoldanyp otyrmyz. Kúni búgin Batys Qazaqstan oblysy aýmaǵynda ókpeni jasandy jeldetýge arnalǵan 130 apparat bar", - dedi jýrnalısterge Bolatbek Qaıýpov.

Búginde Batys Qazaqstan oblysynda medısına salasynyń 107 qyzmetkeri resmı túrde koronavırýs juqtyrǵany anyqtalǵan. "Árıne, qaterli dertpen kúreste maıdannyń alǵy shebinde júrgendikten, birinshi soqqyny medısına qyzmetkerleri qabyldaýy túsinikti. Bul 107 adamnyń ishinde dezınfektorlar da, júrgizýshiler de, laboranttar da bar", - deıdi oblystyq densaýlyq saqtaý basqarmasynyń basshysy.

Sondaı-aq óńirde 199 adam koronavırýstyń sımptomsyz túrimen aýyrǵan. Olar úı jaǵdaıynda oqshaýlanyp, qabynýǵa qarsy jáne ımmýnıtet kóteretin dári-dármek pen dárýmender qabyldap jatyr eken.

 

Batys Qazaqstan

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar