"Jyl basynan beri tilsiz jaýdan 35 turǵyn úı, kópqabatty 12 úı zardap shekti. 60 monsha, garaj, sharýashylyq ǵımaraty órtendi. Ásirese 27 márte shóp aýlasy órtendi, bul ótken jylǵydan eki esege kóp", - deıdi Batys Qazaqstan oblystyq Tótenshe jaǵdaılar departamenti bastyǵynyń orynbasary, azamattyq qorǵaý maıory Nurlan Taýbekov.
Jaz shyǵyp, órt qaýipti kezeń bastalǵaly óńirde 3 orman órti bolǵan. Kóbinise jol jıekteri janǵan. Sonymen birge karantın sharalary aıaqtalysymyn tabıǵat aıasyna, orman ishine demalýǵa asyqqan adamdardyń salǵyrttyǵynan da jasyl jelek zardap shegip jatyr. Nurlan Seıdahanuly jalpy aýdany 1946 ga jerdiń otqa janyp, kúl bolǵanyn aıtyp otyr.
Turǵyndar kóbinese óz úıiniń aınalasyn tazalap, qoqysty jaǵyp jibermek bolyp júrip órt shyǵaryp alady. Mundaı salǵyrttyq, qaýipsizdik talabyn saqtamaý saldary onyń óz múlkine ǵana emes, kórshilerine de tıip jatady. Tilsiz jaýdan ózi zardap shegetinder de bar. Mysaly, bıylǵy 6 maýsymda 1975 jyly týǵan bir azamat jalynnan 3 dárejeli kúıik alyp, Oral qalalyq kóp salaly aýrýhanaǵa jatqyzylǵan. Aldyn ala derekterge qaraǵanda bul azamat turmystyq qoqysty órtep júrip kúıip qalǵan.
Batys Qazaqstan
